Празднование:

Тропарь, глас 4

Умолкает ныне всякое уныние, и страх отчаяния исчезает, грешницы в скорби сердца обретают утешение, и небесною любовию озаряются светло: днесь бо Матерь Божия простирает нам спасающую руку, и от Пречистаго образа Своего вещает, глаголя: Аз Споручница грешных к Моему Сыну, Сей дал Мне за них руце слышати Мя выну. Темже, людие, обремененнии грехи многими, припадите подножию Ея иконы, со слезами вопиюще: Заступнице мира, грешным Споручнице, умоли матерними молитвами Избавителя всех, да Божественным всепрощением покрыет грехи наша, и светлыя двери райския отверзет нам, Ты бо еси предстательство и спасение рода христианскаго.

Кондак, глас 1

Честное жилище бывшее неизреченнаго естества Божественнаго выше слова и паче ума и грешным еси Споручница, подаваеши благодать и исцеление, яко Мати всех Царствующаго; моли Сына Твоего получити нам милость в День судный.

Кондак 1

Избранней от Всевышняго, грешных Споручнице, преклоняющей на милосердие Сына Своего, да спасет иже созда рукою Своею, благодарственное пение приносим Ти, Мати Дево и Владычице, о явлении дивныя Твоея и чудотворныя иконы. Ты же, яко предстательство ко Господу имущи, потщися от обстояний многообразных избавити ны и вечное спасение нам соделати, да, воспевающе, вопием Ти:

Икос 1

Ангелов лики благоговейно Тебе служат и святии вси немолчными гласы Тя ублажают, Богородице Дево, яко рождшую Ангелов Царя, Христа, Бога нашего. Мы же, грешнии, подражати им дерзающе и благохвалити Тя недоумеюще, смиренномудренно архангельский глас вопием Ти, Чистая:

Радуйся, Благодатная, Господь с Тобою.

Радуйся, Преблагословенная в женах, Дево Всенепорочная.

Радуйся, Дщи Отца Небеснаго.

Радуйся, Мати Сына Превечнаго.

Радуйся, Духа Святаго селение.

Радуйся, Ангелов и человек непрестанное удивление.

Радуйся, честнейшая Херувим.

Радуйся, славнейшая без сравнения Серафим.

Радуйся, грешным Споручнице, всегда о нас руце Свои в поручение Богу приносящая.

Кондак 2

Видящи Премилосердная Матерь Божия земное скорбное житие наше, немощи и болезни, благоизволи дати нам в благословение и утешение, в радость и спасение и от всяких бед и напастей ограждение икону Свою святую, Споручницею грешным в ней нарекшися, да радостная пред сею иконою Ей приносяще, радостно всегда поют Богу: Аллилуиа.

Икос 2

Разум небесный открывающи, Богородице Дево, благоизволила еси многими чудесы прославити икону Твою святую, «Споручница грешных» именуемую, да вси, ведуще таковое Твое о ней благоволение, песненно Тебе зовут:

Радуйся, Милосердная всех нас о Христе Мати.

Радуйся, неистощимая сокровищнице Божественныя благодати.

Радуйся, Тобою бо нисходит к нам Божие благоволение.

Радуйся, Тобою бо имамы вящее к Богу дерзновение.

Радуйся, молитвы всех христиан приемлющая.

Радуйся, и самых отчаянных грешников моления не отвергающая.

Радуйся, яко предстательством Твоим спастися уповаем.

Радуйся, яко молитвами Твоими Царство Небесное получити чаем.

Радуйся, грешным Споручнице, всегда о нас руце Свои в поручение Богу приносящая.

Кондак 3

Сила благодатная осеняет всех, Преблагословенная Матерь Божия, с верою к Тебе, яко Споручнице грешных, притекающих и святей иконе Твоей покланяюшихся: Единей бо токмо Тебе дадеся дар всякое благое прошение скоро исполняти и грешных миловати и спасати, и Едина токмо Ты можеши воистину всем помощи елика хощеши, Богу поющим: Аллилуиа.

Икос 3

Имея матернее о всех всеблагое промышление, Ты, Всеблагая Мати Божия, и самых отчаянных грешников ко спасению призываеши, глаголющи: «Аз есмь Споручница грешных к Сыну Моему и Богу, Иже и обеща Мне слышати Мя всегда, да радостная Мне приносящии вечно радоватися будут чрез Мене». Сего ради мы, грешнии, Тебе, яко Споручнице нашей, радостно зовем:

Радуйся, Заступнице усердная, от Бога нам дарованная.

Радуйся, к Небесному отечеству Путеводительнице наша Благодатная.

Радуйся, от рова погибели исхищающая.

Радуйся, безпомощных на Свои всемощныя руце приемлющая.

Радуйся, непрестанное уныние отгоняющая.

Радуйся, падших ко благодати возставляющая.

Радуйся, слово премудрости просящим дарующая.

Радуйся, и неразумных разумными соделывающая.

Радуйся, грешным Споручнице, всегда о нас руце Свои в поручение Богу приносящая.

Кондак 4

Бурею сомнений искушаемая некая жена не хотяше веровати чудесем, от иконы Твоея, Споручницы, бываемым, но внезапну язвою смертоносною пораженная, позна силу Твою всемощную, Владычице, и чудотворныя иконы Твоея благодать, и, раскаявшися, слезно моляше Тя о прощении неверствия ея, милосердием же Твоим исцеленная, благодарственно Богу о Тебе всегда вопияше: Аллилуиа.

Икос 4

Слышит Господь Твоя о нас на небеси ходатайства, Царице Небесная, и исполняет Твоя прошения; мы же, грешнии, яко Всеблагую Скоропослушницу и Споручницу нашу, просим и молим Тя: Владычице, скоро услыши моления наша и вся наша печали на радость преложи и прошения всех зде молящихся скоро исполни, да радостно всегда поем Ти:

Радуйся, приносящая к Сыну Твоему и Богу моления верных.

Радуйся, и Сама у Престола Сына Твоего всегда о нас молящаяся.

Радуйся, Споручнице грешных.

Радуйся, взыскание погибших.

Радуйся, нечаянную радость верным дарующая.

Радуйся, и наша прошения скоро исполняющая.

Радуйся, Милостивая, всегда нас милующая.

Радуйся, житие наше доброе устрояющая.

Радуйся, грешным Споручнице, всегда о нас руце Свои в поручение Богу приносящая.

Кондак 5

Яко лучезарную звезду, весь мир озаряющую, подавала еси нам, Владычице Мира, честную Твою икону, «Споручницею грешных» именуемую, на нюже взирающе, Самой Тебе, истинней Божией Матери и Деве, покланяемся, глаголюще: Владычице, приими молитвы раб Твоих и избави ны от всякия нужды и печали, восхваляющих Тя и Богу воспевающих: Аллилуиа.

Икос 5

Некий благоговейный муж страхом велиим преисполнися, егда в нощь Светлаго Христова Воскресения виде икону Твою, Споручнице Всеблагая, светом Небесным блистающуюся и, яко дождевныя капли, миро источающую и молниевидныя искры испущающую, познав в сем знамении милости Твоея к людем, со слезами умиления и благодарения радостно воспе Тебе, Преблагословенней Матери Божией:

Радуйся, огнь Божественный неопально державшая, имже грехи наша попаляются.

Радуйся, Свет неприкосновенный носившая, имже души наша просвещаются.

Радуйся, руце Свои в поручение о нас Богу приносящая.

Радуйся, вход в Царство Небесное и нам, грешным, отверзающая.

Радуйся, яко молния тьму грехов наших разсекающая.

Радуйся, яко миро благовонное, сердца наша умягчающая.

Радуйся, источники чудес всюду источающая.

Радуйся, иконою Твоею вся люди возвеселяющая.

Радуйся, грешным Споручнице, всегда о нас руце Свои в поручение Богу приносящая.

Кондак 6

Весь мир христианский проповедует милости и чудеса Твоя, Препрославленная Мати Господа, и светло красуется многими чудотворными Твоими иконами, среди коих икона Твоя, «Споручница грешных» именуемая, яко луна полная, лучами милости Твоея и чудес немерцаемо сияет, просвещающи и освещающи души наша светом Божия благодати, подвизающи нас хвалебно Богу взывати: Аллилуиа.

Икос 6

Возсия в одну из нощей свет небесный в храме Николо-Хамовническом, егда прият образ Твой чудотворный, Споручнице грешным, светильники тогда и лампады невидимою силою в храме сем возжигахуся, свеща горящая аки в служении незримо кем окрест престола ношашеся. Людие же, вне храма стоявшии и сия вся видевше, дивляхуся, славяще Тя, Мати Божия, и Сына Твоего; мы же, воспоминающе дивное сие видение, с умилением Тебе глаголем:

Радуйся, скорби наша в радость претворяющая.

Радуйся, ненадеющихся несомненною надеждою возвеселяющая.

Радуйся, свеще, у престола Божия присногорящая.

Радуйся, лампадо, елеем Божественным светящая.

Радуйся, свете лучезарный, пути жизни нам показующий.

Радуйся, храме одушевленный, всех нас освящающий.

Радуйся, уповающим на Тя непостыдную жизнь дарующая.

Радуйся, и по смерти неотступно о них пред Богом ходатайствующая.

Радуйся, грешным Споручнице, всегда о нас руце Свои в поручение Богу приносящая.

Кондак 7

Хотя Долготерпеливый Господь явити бездну Своего человеколюбия и щедрот, избра Тебе, Пресвятая Дево, в Матерь Себе и яви Тя неисчерпаемым источником милостей Своих, да аще кто праведным судом Божиим осуждения достоин, Твоим ходатайством, яко грешным Споручницы, сохранен будет, велегласно зовый: Аллилуиа.

Икос 7

Дивная дела Твоя показал еси нам, Господи, в Пречистей Твоей Матери и дивну даровал еси нам Ея икону, паче лучей солнечных просвещающую люди, яко Самую зрящих Богородицу и верою сердечною, от души любовию, яко Божией Матери и Деве, Ей вопиющих:

Радуйся, купель, в нейже вся скорби наша погружаются.

Радуйся, чаше, еюже радость и спасение вси восприемлем.

Радуйся, Живоносный Источниче, всех нас оживотворяющий.

Радуйся, Цвете Неувядаемый, всех нас облагоухающий.

Радуйся, скорбей наших услаждение.

Радуйся, печалей наших утоление.

Радуйся, болезней наших врачевание.

Радуйся, от бед скорое наше избавление.

Радуйся, грешным Споручнице, всегда о нас руце Свои в поручение Богу приносящая.

Кондак 8

Странники и пришельцы есмы на земли и, по глаголу Апостола, не имамы зде пребывающаго града. Но к кому прибегнем, Владычице, в скорбех жития нашего, аще не к Тебе, Всеблагая Споручнице о нас грешных! Не отвержи нас, Мати Божия, и не рцы нам: «Не вем вас грехов ради ваших», но помилуй нас, сирых и безпомощных, и приими нас в вечныя кровы, Покровительнице наша, да радостно вопием во славе небесней Царю славы Христу: Аллилуиа.

Икос 8

Всем верным утешительно есть взирати на святую икону Твою, Владычице, Споручнице грешным, на нейже зрим Тя, на руку Твоею держащую Превечнаго Младенца, Господа нашего Иисуса Христа, Емуже покланяющеся боголепно, яко Творцу и Богу нашему, Тебе, истинней Богородице, умильно глаголем: Владычице, помози, на ны милосердовавши, потщися, погибаем от множества прегрешений, не отврати Твоя рабы тщи, Тебе вопиющия:

Радуйся, Целительнице наша в болезнех телесных.

Радуйся, Утешительнице в печалех наших душевных.

Радуйся, алчущих Питательнице.

Радуйся, нагих одеяние.

Радуйся, вдов Защитительнице.

Радуйся, сирот Покровительнице.

Радуйся, гонимых и обидимых Заступнице.

Радуйся, страждущих и плененных скорая Освободительнице.

Радуйся, грешным Споручнице, всегда о нас руце Свои в поручение Богу приносящая.

Кондак 9

Все естество ангельское похвальныя песнопения приносит Тебе, Божией Матери и Споручнице всех припадающих Тебе и просящих Твоея помощи и Твоего утешения, яко твердым и крепким Твоим предстательством праведных веселиши, грешных заступаеши, и от бед избавляеши, и печали утоляеши, и молишися о всех, верою зовущих о Тебе Богу: Аллилуиа.

Икос 9

Витийствующий всяк язык недоумеет благохвалити Тя по достоянию, изумевает же ум и премирный пети Тя, Богородице; обаче, Благая сущи, веру приими, ибо любовь веси Божественную нашу: Ты бо христиан еси Предстательница, Тебе зовущих:

Радуйся, сиянием Пречистыя души Твоея всю землю просветившая.

Радуйся, чистотою телесе Твоего вся небеса возвеселившая.

Радуйся, всех нас при Кресте Сына Твоего усыновившая.

Радуйся, всегда матернюю любовь Твою к нам являющая.

Радуйся, всех даров духовных и телесных Всемощная Подательнице.

Радуйся, благ временных и вечных усердная нам Ходатаице.

Радуйся, двери Царствия Христова верным отверзающая.

Радуйся, и на земли радостию и веселием сердца наша исполняющая.

Радуйся, грешным Споручнице, всегда о нас руце Свои в поручение Богу приносящая.

Кондак 10

Спасти хотя род человеческий от вечныя муки и непрестающия скорби, Человеколюбец Господь Тебе, Матерь Свою, дарова земным на помощь, глаголя: «Сынове человечестии, се Мати Моя покровом и прибежищем вам да будет, печальным - утешением, скорбящим - радованием, обидимым - Заступницею, бедствующим - помощию, больным - Целительницею, грешным - Споручницею, да всех из глубины греховныя воздвигнет, вопиющих: Аллилуиа.

Икос 10

«Царю Небесный, Сыне и Боже Мой, - тако молит за нас всегда Небесная Царица, - приими всякаго человека, славящего Тя и призывающаго имя Твое Святое, и прославляющих Мя имени Твоего ради, и не отрини их от лица Твоего, но благоволи в них и приими от них всякое благое моление и всех от бед избави». Мы же, грешнии, надеющиися на Твоя матерния молитвы, зовем Ти:

Радуйся, яко Ты еси Молитвенница наша к Богу теплая.

Радуйся, яко Твоя молитва всегда пред Богом многомощна.

Радуйся, Твоими молитвами и наша убогия моления богоприятными соделовающая.

Радуйся, и наше недостоинство Твоим предстательством восполняющая.

Радуйся, кающихся грешников непостыдная Споручнице.

Радуйся, всех христиан православных Заступнице.

Радуйся, вся наша болезни исцеляющая.

Радуйся, облак страстей и искушений разгоняющая.

Радуйся, грешным Споручнице, всегда о нас руце Свои в поручение Богу приносящая.

Кондак 11

Пение всеумиленное приими от нас, Небесная Споручнице наша, и молитву, приносимую Тебе, Дево Богородице, скоро услыши: к Тебе бо в напастех, скорбех и печалех прибегаем и пред Тобою в бедах наших слезы проливаем и молим: Владычице, утоли печали и приими молитвы раб Твоих, о Тебе поющих: Аллилуиа.

Икос 11

Светлыми лучами знамений и чудес немерцаемо сияет святая икона Твоя, Богородице Дево, и всех благодатно озаряет, с верою пред нею Тебе молящихся, прогоняющи всякое вражие действо силою Божиею, от нея исходящею. Темже

Радуемся мы, грешнии, имуще таковую чудную икону Твою (в храме своем), яко залог Твоего к нам (и храму нашему) благоволения, и Тебе, Споручнице нашей и Скоропослушнице молений наших, благодарственно взываем:

Радуйся, радость благодатную нам изливающая.

Радуйся, утешение духовное скоро нам подающая.

Радуйся, желания богоугодныя исполняющая.

Радуйся, во всяких скорбных обстояниях на помощь нам поспешающая.

Радуйся, в вере и благочестии живущих зело любящая.

Радуйся, сердца их любовию к Богу и людям воспламеняющая.

Радуйся, в час недоумения мысль благу на сердце полагающая.

Радуйся, во всем упование на Бога имети нас научающая.

Радуйся, грешным Споручнице, всегда о нас руце Свои в поручение Богу приносящая.

Кондак 12

Благодать Божия, присущая святей Твоей иконе, «Споручницею грешных» именуемой, Богомати Владычице, влечет к ней всех скорбящих и грехми многими и напастьми обремененных, и не тщи отходят они от сего источника многообразных Твоих милостей и щедрот, но в скорбех - от

Раду, в напастех - защиту, в болезнях - цельбу и вся для души и телес благопотребная неоскудно получают от чудотворнаго образа Твоего, Всеблагая, аще по Бозе все упование на Тя возлагают, поюще: Аллилуиа.

Икос 12

Поюще неизреченное Твое матернее к нам грешным милосердие, хвалим Тя, яко Всемощную Споручницу нашу, благословим Тя, яко Всеблагую Скоропослушницу молений наших, и со умилением покланяемся Тебе в честней Твоей иконе, веруем бо и уповаем, яко и ныне испросиши нам у Сына Твоего и Бога, да в жизни сей и по смерти нашей милосердие Его неотступно будет о всех, с любовию поющих Ти:

Радуйся, Твоими молитвами весь мир спасающая.

Радуйся, Твоими ходатайствы всю вселенную заступающая.

Радуйся, яко всем с верою притекающим скоро помогающая.

Радуйся, и Небеснаго Царствия им испрошающая.

Радуйся, яко на икону Твою взирающе, Самой Тебе, истинней Богородице, покланяемся.

Радуйся, Твоим предстательством вся благая желания наша скоро исполняющая.

Радуйся, и в час смертный верных Своих не оставляющая.

Радуйся, и по смерти о вечно блаженнем их упокоении ходатайствующая.

Радуйся, грешным Споручнице, всегда о нас руце Свои в поручение Богу приносящая.

Кондак 13

О Всепетая Мати, Всеблагая Споручнице спасения грешных, Богородице Дево! Приими милостиво и нынешнее наше моление, еже от усердия нашего во благодарение Ти принесохом, и испроси нам у Всещедраго Бога в вере православней непоколебимость, в любви христианской преуспеяние и грехов наших прощение, да предстательством Твоим унаследим Царствие Небесное и сподобимся со всеми святыми пети Богу: Аллилуиа.

(Этот кондак читается трижды, затем икос 1 и кондак 1).

Молитва

Царице моя Преблагая, Надеждо моя Пресвятая, Споручнице грешных! Се, бедный грешник предстоит Тебе! Не остави мене, всеми оставленнаго, не забуди мене, всеми забытаго, даждь ми радость, неведущему радования. О, тяжки мои беды и скорби! О, безмерны мои грехопадения! Яко тьма нощная - житие мое. И несть в сынех человеческих ни единаго сильнаго ми помощи. Ты - Единая моя Надежда. Ты - Единый мой Покров, Прибежище и Утверждение. Дерзновенно простираю к Тебе немощныя мои руце и молю: умилосердися о мне, Всеблагая, пощади искупленнаго Кровию Сына Твоего, утоли болезни многовоздыхающия души моея, укроти ярость ненавидящих и обидящих мя, возстави силы моя увядающия, обнови, яко у орляте, юность мою, не попусти ослабнути в делании заповедей Божиих. Огнем небесным коснися смущенныя души моея и исполни ю веры непостыдныя, любве нелицемерныя и надежды известныя. Да всегда пою и славлю Тебе, Преблагословенную мира Заступницу, Покров наш и Споручницу всех нас грешных, и покланяюся Сыну Твоему и Спасу нашему, Господу Иисусу Христу, со Безначальным Его Отцем и Жизнеподательным Духом Святым во веки веков. Аминь.

Икона Божией Матери «Споручница грешных»

«Споручница грешных», чудотворная икона Пресвятой Богородицы, находилась в мужском Одрином Николаевском монастыреОрловской епархии, где и прославилась чудотворениями в 1840-х годах, и список с нее имеется в Москве, в Николо-Хамовнической церкви. В Москве, в 1848 г., икона прославилась виденным от нее светом по ночам, истечением мира и многими чудотворениями. На обеих иконах Пресвятая Богородица и Младенец Иисус изображены в коронах.

Название иконы служит выражением той многоразличной благодатной любви Ее к грешному роду человеческому, какую Она проявляла во все времена. Об этой любви говорит и надпись на иконе Божией Матери: «Аз Споручница грешных к Моему Сыну» и пр.

В Николаевском Одринском монастыре икона Божией Матери «Споручница грешных» долгое время была в неизвестности, стояла в обветшавшей часовне и настолько потускнела, что трудно было прочесть надписи. Чудесное исцеление от нее, полученное двухлетним сыном купчихи Почепиной Тимофеем, страдавшим болезненными припадками, побудило обратить на икону особенное внимание. Икона была взята из часовни, промыта и поставлена в монастырь. Затем много совершилось чудес от сей иконы. Благодатная сила Божией Матери проявилась еще в большей степени и ясности на списке с чудотворной иконы Одринского монастыря, привезенном в 1848 г. в Москву одринским иеромонахом Смарагдом в дар от монастыря за его гостеприимство подполковнику Бонческулу, который жил в приходе св. Николая Чудотворца, что в Хамовниках. Привезенная копия была поставлена Бонческулом в домашнем иконостасе. В этом году первое исцеление от сей иконы получила купчиха Щербакова от болезни спинного мозга. В этом же году, в первый день Пасхи, Бонческул начал замечать, что находящаяся у него икона Божией Матери «Споручница грешных» сделалась весьма блестящею и как бы стеклянною, а во время молитвы его по иконе мелькал какой-то отблеск. Спустя около недели на иконе начали появляться благоуханные маслянистые капли и все больные, пользовавшиеся ими, начали получать исцеление от болезней. 30 мая того же года Бонческул пожертвовал икону Божией Матери в приходскую Николо-Хамовническую церковь, где она и помещена была на аналое близ клироса. Вскоре странные явления начали происходить в алтаре, на горнем месте: ночью видны были разные явления огня или света в виде звезд, то ярких, то тусклых. Это повторялось и в следующие дни, в те же часы, а с 4 июня снова и в большем количестве стали появляться капли елея. По случаю необычайных явлений толпы народа, как ночью, так и днем, стекались к Николо-Хамовнической церкви - ночью для наблюдения за появляющимся в алтаре церкви светом, а днем для совершения молебствий пред иконой. К прославлению иконы более всего послужили очень многие чудеса, какие совершались от нее. Всех чудесных исцелений, заявленных и записанных в течение первых шести лет, более 115.

Вот одно из них. В деревне Начатиной, близ подмосковного села Коломенского, жил крестьянин Егор Куренков. Хотя он и исповедывал Православную веру, но в душе от нее был довольно далек: он постоянно мучился тяжкими сомнениями относительно веры. В поисках за разрешением своих сомнений и недоумений он ходил даже в стародубские староверческие монастыри и слободы. Ходил он также на поклонение святым в Киев, бывал и на далеком севере, в Соловецкой обители, и вступал в беседы с отшельниками о вере и благочестии. Однако он до тех пор не мог искренно и глубоко увериться, пока не вразумил его Сам Господь.

Однажды, после работы всем семейством в поле, у него опасно заболел один из двух его сыновей - Семен. В течение нескольких дней он находился без памяти: ничего не говорил и ничего не чувствовал. Испуганный отец пришел к священнику и просил причастить своего сына. Однако, все старания священника привести Семена в чувство были напрасны и он заявил, что больного невозможно ни исповедывать и ни причащать, так как он находится в бесчувственном состоянии. Но он утешил горько скорбевших родных, сказав им: «Бог милосерд. Он все на пользу нашу строит. Его пути для нас неведомы и непостижимы! В жизни нашей много скорбей и болезней, но не всякая болезнь ведет за собой смерть!»

Зная, что отец Семена был еще очень далек от того, чтобы всем сердцем и всею мыслию своею утвердиться в Православии, а особенно в почитании святых икон не только древнего, но и нового письма, он посоветовал родным поехать в московский Николо-Хамовнический храм, где уже две недели от святой иконы Богоматери «Споручница грешных», новой, живописной, не более трех лет написанной, очень многие больные, с верою к ней притекающие, получают исцеления. Священник посоветовал им с вечера усерднее помолиться Господу и Царице Небесной: «Она, Владычица и Ходатаица рода христианского, никогда никому не отказывала, кто к Ней притекал с теплой верой. Дай обет написать такого же письма икону в ваш дом, и чтите ее, как залог вашей веры и вашего искреннего послушания Православной Церкви.»

Рано утром родители вместе с больным Семеном поехали в Москву. Когда они подъезжали к Хамовникам, в Николаевской церкви ударили к ранней обедне. Этот звон колокола отцу и матери показался радостным приветом. В церкви, полной народа, отец с трудом пробрался, чтобы попросить причетника помочь принести в церковь больного. Едва больной коснулся церковного помоста, как сильно содрогнулся и почувствовал возвращение сил. Его привели к аналою, где лежал чудотворный образ Богоматери. Причетник три раза просил больного перекреститься, но тот молчал: хотя он и смотрел, но по-прежнему ничего не видел и не слышал. Тогда мать больного, взяв его руку и сложив ее пальцы для молитвы, перекрестила лицо его же рукой и вместе с мужем наклонила его до земли. Родители приподняли Семена с пола и подвели к иконе. Больной бессознательно коснулся ее, и когда родители хотели вторично его перекрестить, он вдруг громко сказал: «Я здоров.» При этих словах больной сам перекрестился.

Заливаясь слезами, родители пали пред образом Божией Матери и из глубины души возблагодарили Владычицу за исцеление сына, а потом, отслужив благодарственный молебен, простояли и литургию. Исцелившийся Семен вместе со своими родителями вернулся домой, к удивлению и радости родных и знакомых: утром его увезли в Москву почти мертвого, а к полдню привезли совершенно здорового. Так Семен избавился от своей телесной болезни, а родители его - от душевного недуга, или неверия. Не забыли они и обет, данный священнику, и написали икону «Споручница грешных».

В Троицком соборе Воскресенского Троицкого Корецкого ставропигиального женского монастыря находится его главная святыня – Корецкая икона Божией Матери «Споручница грешных», пред которой читается иной акафист «Споручница грешных» с припевом: «

Радуйся, грешным Споручнице, выну о нас руце Твои в поручение к Богу простирающая».

Древняя благодатная икона Божией Матери «Споручница грешных», Корецкая, хранится в монастыре с XVII века. Икона издревле находилась в замке корецких князей и носила наименование «Благодатной». Когда последний из православных корецких князей, Самуил, в 1622 году был взят в плен турками и в Стамбуле убит, его брат Иоанн, ставший по принуждению латинян католиком, предложил своей сестре игумении Серафиме забрать икону из княжьей молельни в Свято-Воскресенский православный Корецкий девичий монастырь. Торжественное перенесение благодатной иконы «Споручница грешных» было совершено в 1622 году, в четверг после праздника Святой Троицы. В этот день и было установлено празднование в честь иконы, которое торжественно отмечается по настоящее время. После возвращения Корецкому Свято-Воскресенскому монастырю развалин Свято-Троицкого монастыря и его освящения 12 августа 1880 года икона «Споручница грешных» была перенесена и устроена в деревянном резном киоте у левой передней колонны Свято-Троицкого храма.

Кондак 1

И збранней от Всевышняго, грешных Споручнице, преклоняющей на милосердие Сына Своего, да спасет яже созда рукою Своею, благодарственное пение приносим Ти, Мати Дево и Владычице, о явлении дивныя Твоея и чудотворныя иконы, Ты же яко предстательство ко Господу имущи, потщися от обстояний многообразных избавити ны и вечное спасение нам соделати, да, воспевающе, вопием Ти:

Икос 1

А нгелов лики благоговейно Тебе служат и святии вси немолчными гласы Тя ублажают, Богородице Дево, яко рождшую Ангелов Царя, Христа Бога нашего, мы же, грешнии, подражати им дерзающе и благохвалити Тя недоумеюще, смиренномудренно архангельский глас вопием Ти, Чистая:

Радуйся, Благодатная, Господь с Тобою; радуйся, Преблагословенная в женах, Дево Всенепорочная.

Радуйся; Дщи Отца Небеснаго; радуйся, Мати Сына Превечнаго.

Радуйся, Духа Святаго селение; радуйся, Ангелов и человек непрестанное удивление.

Радуйся, Честнейшая Херувим; радуйся, Славнейшая без сравнения Серафим.

Радуйся, грешным Споручнице, всегда о нас руце Свои в поручение Богу приносящая.

Кондак 2

В идящи Премилосердная Матерь Божия земное скорбное житие наше, немощи и болезни, благоизволи дати нам в благословение и утешение, в радость и спасение и от всяких бед и напастей ограждение икону Свою святую, Споручницею грешным в ней нарекшися, да, радостная пред сею иконою Ей приносяще, радостно всегда поют Богу: Аллилуиа.

Икос 2

Р азум небесный открывающи, Богородице Дево, благоизволила еси многими чудесы прославити икону Твою святую, Споручница грешных именуемую, да вси, ведуще таковое Твое о ней благоволение, песненно Тебе зовут:

Радуйся, Милосердная, всех нас о Христе Мати; радуйся, неистощимая сокровищнице Божественныя благодати.

Радуйся, Тобою бо нисходит к нам Божие благоволение; радуйся, Тобою бо имамы вящее к Богу дерзновение.

Радуйся, молитвы всех христиан приемлющая; радуйся, и самых отчаянных грешников моления не отвергающая.

Радуйся, яко предстательством Твоим спастися уповаем; радуйся, яко молитвами Твоими Царство Небесное получити чаем.

Радуйся, грешным Споручнице, всегда о нас руце Свои в поручение Богу приносящая.

Кондак 3

С ила благодатная осеняет всех, Преблагословенная Матерь Божия, с верою к Тебе, яко Споручнице грешных, притекающих и святей иконе Твоей поклоняющихся: Единей бо токмо Тебе дадеся дар всякое благое прошение скоро исполняти и грешных миловати и спасати, и Едина токмо Ты можеши воистину всем помощи елика хощеши, Богу поющим: Аллилуиа.

Икос 3

И меющи Матернее о всех всеблагое промышление,Ты, Всеблагая Мати Божия, и самых отчаянных грешников ко спасению призываеши, глаголющи: Аз есмь Споручница грешных к Сыну Моему и Богу, Иже и обеща Мне слышати Мя всегда, да радостная Мне приносящии вечно радоватися будут чрез Мене. Сего ради мы, грешнии, Тебе, яко Споручнице нашей, радостно зовем:

Радуйся, Заступнице усердная, от Бога нам дарованная; радуйся, к Небесному отечеству Путеводительнице наша Благодатная.

Радуйся, от рова погибели исхищающая; радуйся, безпомощных на Свои всемощныя руце приемлющая.

Радуйся, непрестанное уныние отгоняющая; радуйся, падших ко благодати возставляющая.

Радуйся, слово премудрости просящим дарующая; радуйся, и неразумных разумными соделывающая.

Радуйся, грешным Споручнице, всегда о нас руце Свои в поручение Богу приносящая.

Кондак 4

Б урею сомнений искушаемая некая жена не хотяше веровати чудесем, от иконы Твоея, Споручницы, бываемым, но внезапну язвою смертоносною пораженная, позна силу Твою всемощную, Владычице, и чудотворныя иконы Твоея благодать, и, раскаявшися, слезно моляше Тя о прощении неверствия ея, милосердием же Твоим исцеленная, благодарственно Богу о Тебе всегда вопияше: Аллилиуа.

Икос 4

С лышит Господь Твоя о нас на Небеси ходатайства, Царице Небесная, и исполняет Твоя прошения, мы же, грешнии, яко всеблагую Скоропослушницу и Споручницу нашу, просим и молим Тя: Владычице, скоро услыши моления наша и вся наша печали на радость преложи, и прошения всех зде молящихся скоро исполни, да радостно всегда поем Ти:

Радуйся, приносящая к Сыну Твоему и Богу моления верных; радуйся и Сама у престола Сына Твоего всегда о нас молящаяся.

Радуйся, Споручнице грешных; радуйся, Взыскание погибших.

Радуйся, нечаянную радость верным дарующая; радуйся, и наша прошения скоро исполняющая.

Радуйся, Милостивая, всегда нас милующая; радуйся, житие наше доброе устрояющая.

Радуйся, грешным Споручнице, всегда о нас руце Свои в поручение Богу приносящая.

Кондак 5

Я ко лучезарную звезду, весь мир озаряющую, подавала еси нам, Владычице Мира, честную Твою икону, Споручницею грешных именуемую, на нюже взирающе, Самой Тебе, истинней Божией Матери и Деве, поклоняемся, глаголюще: Владычице, приими молитвы раб Твоих и избави ны от всякия нужды и печали, восхваляющих Тя и Богу воспевающих: Аллилуиа.

Икос 5

Н екий благоговейный муж страхом велиим преисполнися, егда в нощь Светлаго Христова Воскресения виде икону Твою, Споручнице Всеблагая, светом Небесным блистающуюся и, яко дождевныя капли, миро источающую и молниевидныя искры испущающую, познав в сем знамении милости Твоея к людем, со слезами умиления и благодарения радостно воспе Тебе, Преблагословенней Матери Божией:

Радуйся, Огнь Божественный неопально державшая, Имже грехи наша попаляются; радуйся, Свет неприкосновенный носившая, Имже души наша просвещаются.

Радуйся, руце Свои в поручение о нас Богу приносящая; радуйся, вход в Царство Небесное и нам, грешным, отверзающая.

Радуйся, яко молния тьму грехов наших разсекающая; радуйся, яко миро благовонное, сердца наша умягчающая.

Радуйся, источники чудес всюду источающая; радуйся, иконою Твоею вся люди возвеселяющая.

Радуйся, грешным Споручнице, всегда о нас руце Свои в поручение Богу приносящая.

Кондак 6

В есь мир христианский проповедует милости и чудеса Твоя, Препрославленная Мати Господа, и светлокрасуется многими чудотворными Твоими иконами, среди коих икона Твоя, Споручница грешных именуемая, яко луна полная, лучами милости Твоея и чудес немерцаемо сияет, просвещающи и освещающи души наша светом Божия благодати, подвизающи нас хвалебно Богу взывати: Аллилуиа.

Икос 6

В озсия в одну из нощей свет небесный в храме Николо-Хамовническом, егда прият образ Твой чудотворный, Споручнице грешным, светильники тогда и лампады невидимою силою в храме сем возжигахуся, свеща горящая, аки в служении, незримо кем окрест престола ношашеся. Людие же, вне храма стоявшии и сия вся видевше, дивляхуся, славяще Тя, Мати Божия, и Сына Твоего, мы же, воспоминающе дивное сие видение, с умилением Тебе глаголем:

Радуйся, скорби наша в радость претворяющая; радуйся, ненадеющихся несомненною надеждою возвеселяющая.

Радуйся, Свеще, у престола Божия присногорящая; радуйся, Лампадо, елеем Божественным светящая.

Радуйся, Свете лучезарный, путь жизни нам показующий; радуйся, Храме одушевленный, всех нас освящающий.

Радуйся, уповающим на Тя непостыдную жизнь дарующая; радуйся, и по смерти неотступно о них пред Богом ходатайствующая.

Радуйся, грешным Споручнице, всегда о нас руце Свои в поручение Богу приносящая.

Кондак 7

Х отя Долготерпеливый Господь явити Бездну Своего человеколюбия и щедрот, избра Тебе, Пресвятая Дево, в Матерь Себе и яви Тя неисчерпаемым источником милостей Своих, да аще кто праведным судом Божиим осуждения достоин, Твоим ходатайством, яко грешным Споручницы, сохранен будет, велегласно зовый: Аллилуиа.

Икос 7

Д ивная дела Твоя показал еси нам, Господи, в Пречистей Твоей Матери и дивну даровал еси нам Ея икону, паче лучей солнечных просвещающу люди, яко Самую зрящих Богородицу и верою сердечною от души любовию, яко Божией Матери и Деве, Ей вопиющих:

Радуйся, Купеле, в Нейже вся скорби наша погружаются; радуйся, Чаше, Еюже радость и спасение вси восприемлем.

Радуйся, Живоносный Источниче, всех нас оживотворяющий; радуйся, Цвете неувядаемый, всех нас облагоухающий.

Радуйся, скорбей наших услаждение; радуйся, печалей наших утоление.

Радуйся, болезней наших врачевание; радуйся, от бед скорое наше избавление.

Радуйся, грешным Споручнице, всегда о нас руце Свои в поручение Богу приносящая.

Кондак 8

С транники и пришельцы есмы на земли и, по глаголу Апостола, не имамы зде пребывающаго града. Но к кому прибегнем, Владычице, в скорбех жития нашего, аще не к Тебе, Всеблагая Споручнице о нас грешных! Не отвержи нас, Мати Божия, и не рцы нам: Не вем вас грехов ради ваших, но помилуй нас, сирых и безпомощных, и приими нас в вечныя кровы, Покровительнице наша, да радостно вопием во славе Небесней Царю славы Христу: Аллилиуа.

Икос 8

В сем верным утешительно есть взирати на святую икону Твою, Владычице, Споручнице грешным, на нейже зрим Тя, на руку Твоею держащую Превечнаго Младенца, Господа нашего Иисуса Христа, Ему же покланяющеся боголепно, яко Творцу и Богу нашему, Тебе, истинней Богородице, умильно глаголем: Владычице, помози, на ны милосердовавши, потщися, погибаем от множества прегрешений, не отврати Твоя рабы тщы, Тебе вопиющия:

Радуйся, алчущих Питательнице; радуйся, нагих одеяние.

Радуйся, вдов Защитительнице; радуйся, сирот Покровительнице.

Радуйся, гонимых и обидимых Заступнице; радуйся, страждущих и плененных скорая Освободительнице.

Радуйся, грешным Споручнице, всегда о нас руце Свои в поручение Богу приносящая.

Кондак 9

В се естество ангельское похвальныя песнопения приносит Тебе, Божией Матери и Споручнице всех припадающих Тебе и просящих Твоея помощи и Твоего утешения, яко твердым и крепким Твоим предстательством праведных веселиши, грешных заступаеши и от бед избавляеши и печали утоляеши, и молишися о всех, верою зовущих о Тебе Богу: Аллилуиа.

Икос 9

В итийствующий всяк язык недоумеет благохвалити Тя по достоянию, изумевает же ум и премирный пети Тя, Богородице; обаче, Благая сущи, веру приими, ибо любовь веси божественную нашу; Ты бо христиан еси Предстательница, Тебе зовущих:

Радуйся, сиянием Пречистыя души Твоея всю землю просветившая; радуйся, чистотою телесе Твоего вся небеса возвеселившая.

Радуйся, всех нас при Кресте Сына Твоего усыновившая; радуйся, всегда Матернюю любовь Твою к нам являющая.

Радуйся, всех даров духовных и телесных всемощная Подательнице; радуйся, благ временных и вечных усердная нам Ходатаице.

Радуйся, двери Царствия Христова верным отверзающая; радуйся, и на земли радостию и веселием сердца наша исполняющая.

Радуйся, грешным Споручнице, всегда о нас руце Свои в поручение Богу приносящая.

Кондак 10

С пасти хотя род человеческий от вечныя муки и непрестающия скорби, Человеколюбец Господь Тебе, Матерь Свою, дарова земным на помощь, глаголя: сынове человечестии, се Мати Моя покров и прибежище вам да будет, печальным - утешение, скорбящим - радование, обидимым - Заступница, бедствующим - помощь, больным - Целительница, грешным - Споручница, да всех из глубины греховныя воздвигнет, вопиющих: Аллилуиа.

Икос 10

Ц арю Небесный, Сыне и Боже Мой, - тако молит за нас всегда Небесная Царица, - приими всякаго человека, славящаго Тя и призывающаго Имя Твое Святое, и прославляющих Мя Имени Твоего ради, и не отрини их от лица Твоего, но благоволи в них и приими от них всякое благое моление и всех от бед избави. Мы же, грешнии, надеющиися на Твоя Матерния молитвы, зовем Ти:

Радуйся, яко Ты еси Молитвенница наша к Богу теплая; радуйся, яко Твоя молитва всегда пред Богом многомощна.

Радуйся, Твоими молитвами и наша убогая моления богоприятными соделовающая; радуйся, и наше недостоинство Твоим предстательством восполняющая.

Радуйся, кающихся грешников непостыдная Споручнице; радуйся, всех христиан православных Заступнице.

Радуйся, вся наша болезни исцеляющая; радуйся, облак страстей и искушений разгоняющая.

Радуйся, грешным Споручнице, всегда о нас руце Свои в поручение Богу приносящая.

Кондак 11

П ение всеумиленное приими от нас, Небесная Споручнице наша, и молитву, приносимую Тебе, Дево Богородице, скоро услыши; к Тебе бо в напастех, скорбех и печалех прибегаем и пред Тобою в бедах наших слезы проливаем и молим: Владычице, утоли печали и приими молитвы раб Твоих, о Тебе поющих: Аллилуиа.

Икос 11

С ветлыми лучами знамений и чудес немерцаемо сияет святая икона Твоя, Богородице Дево, и всех благодатно озаряет, с верою пред нею Тебе молящихся, прогоняющи всякое вражие действо силою Божиею, от нея исходящею. Темже радуемся мы, грешнии, имуще таковую чудную икону Твою в храме своем, яко залог Твоего к нам и храму нашему благоволения, и Тебе, Споручнице нашей и Скоропослушнице молений наших, благодарственно взываем:

Радуйся, радость благодатную нам изливающая; радуйся, утешение духовное скоро нам подающая.

Радуйся, желания богоугодныя исполняющая; радуйся, во всяких скорбных обстояниих на помощь нам поспешающая.

Радуйся, в вере и благочестии живущих зело любящая; радуйся, сердца их любовию к Богу и людям воспламеняющая.

Радуйся, в час недоумения мысль благу на сердце полагающая; радуйся, во всем упование на Бога имети нас научающая.

Радуйся, грешным Споручнице, всегда о нас руце Свои в поручение Богу приносящая.

Кондак 12

Б лагодать Божия, присущая святей Твоей иконе, Споручницею грешных именуемой, Богомати Владычице, влечет к ней всех скорбящих и грехми многими и напастьми обремененных, и не тщи отходят они от сего источника многообразных Твоих милостей и щедрот, но в скорбех - отраду, в напастех - защиту, в болезнех - цельбу и вся для души и телес благопотребныя неоскудно получают от чудотворнаго образа Твоего, Всеблагая, аще по Бозе все упование на Тя возлагают, поюще: Аллилуиа.

Икос 12

П оюще неизреченное Твое Матернее к нам грешным милосердие, хвалим Тя, яко Всемощную Споручницу нашу, благословим Тя, яко Всеблагую Скоропослушницу молений наших, и со умилением поклоняемся Тебе в честней Твоей иконе, веруем бо и уповаем, яко и ныне испросиши нам у Сына Твоего и Бога, да в жизни сей и по смерти нашей милосердие Его неотступно будет о всех, с любовию поющих Ти:

Радуйся, Твоими молитвами весь мир спасающая; радуйся, Твоими ходатайствы всю Вселенную заступающая.

Радуйся, яко всем с верою притекающим скоро помогающая; радуйся, и Небеснаго Царствия им испрошающая.

Радуйся, яко на икону Твою взирающе, Самой Тебе, истинней Богородице, поклоняемся; радуйся, Твоим предстательством вся благая желания наша скоро исполняющая.

Радуйся, и в час смертный верных Своих не оставляющая; радуйся, и по смерти о вечно блаженнем их упокоении ходатайствующая.

Радуйся, грешным Споручнице, всегда о нас руце Свои в поручение Богу приносящая.

Кондак 13

О , Всепетая Мати, Всеблагая Споручнице спасения грешных, Богородице Дево! Приими милостиво и нынешнее наше моление, еже от усердия нашего во благодарение Ти принесохом, и испроси нам у Всещедраго Бога в вере православней непоколебимость, в любви христианской преспеяние и грехов наших прощение, да предстательством Твоим унаследим Царствие Небесное и сподобимся со всеми святыми пети Богу: Аллилуиа.

Этот кондак читается трижды, затем 1-й икос «Ангелов лики …» и 1-й кондак «Избранней от Вышняго …».

Молитва

О Владычице Преблагословенная, Защитнице рода христианскаго, прибежище и спасение притекающих к Тебе! Вем, воистину вем, яко зело согреших и прогневах, Премилостивая Госпоже, рожденнаго плотию от Тебе Сына Божия, но имам многии образы прежде мене прогневавших Его благоутробие: мытари, блудницы и прочия грешники, имже дадеся прощение грехов их, покаяния ради и исповедания. Тыя убо образы помилованных очесем грешныя души моея представляя и на толикое Божие милосердие, онех приемшее, взирая, дерзнух и аз, грешный, прибегнути с покаянием ко Твоему благоутробию. О Всемилостивая Владычице, да подаси ми руку помощи и испросиши у Сына Твоего и Бога Матерними и святейшими Твоими молитвами тяжким моим грехом прощение. Верую и исповедую, яко Той, Егоже родила еси, Сын Твой, есть воистину Христос, Сын Бога Живаго, Судия живых и мертвых, воздаяй комуждо по делом его. Верую же паки и исповедую Тебе быти истинную Богородицу, милосердия источник, утешение плачущих, взыскание погибших, сильную и непрестающую к Богу Ходатаицу, зело любящую род христианский, и Споручницу покаяния. Воистину бо несть человеком иныя помощи и покрова, разве Тебе, Госпоже Премилостивая, и никтоже, уповая на Тя, постыдеся когда и, Тобою умоляя Бога, никтоже оставлен бысть. Того ради молю Твою неисчетную благость: отверзи двери милосердия Твоего мне, заблуждшему и падшему в тимение глубины, не возгнушайся мене, сквернаго, не презри грешнаго моления моего, не остави мене, окаяннаго, яко в погибель злобный враг похитити мя ищет, но умоли о мне рожденнаго от Тебе милосердаго Сына Твоего и Бога, да простит великия моя грехи и избавит мя от пагубы моея; яко да и аз со всеми, получившими прощение, воспою и прославлю безмерное милосердие Божие и Твое непостыдное о мне заступление в жизни сей и в нескончаемом веце. Аминь.

Тропарь, глас 4

У молкает ныне всякое уныние и страх отчаяния исчезает, грешницы в скорби сердца обретают утешение и Небесною любовию озаряются светло: днесь бо Матерь Божия простирает нам спасающую руку и от Пречистаго образа Своего вещает, глаголя: Аз Споручница грешных к Моему Сыну, Сей дал Мне за них руце слышати Мя выну. Темже, людие, обремененнии грехи многими, припадите к подножию иконы Ея, со слезами вопиюще: Заступнице мира, грешным Споручнице, умоли Матерними Твоими молитвами Избавителя всех, да Божественным всепрощением покрыет грехи наша и светлыя двери райския отверзет нам, Ты бо еси предстательство и спасение рода христианскаго.

Ин тропарь, глас 3

Т ебе, милосердия источнику приснотекущему и Споручнице грешных, недостойнии раби Твои, Богородице, припадающе, скорбяще, вопием Ти: спасай нас от бед, Владычице, и матерним Твоим ходатайством испроси всем нам вечное спасение.

Кондак, глас 1

Ч естное жилище бывшее неизреченнаго естества Божественнаго выше слова и паче ума и грешным еси Споручница, подаваеши благодать и исцеление, яко Мати всех Царствующаго: моли Сына Твоего получити нам милость в День судный.

20 марта (7 марта по старому стилю) и 11 июня (29 мая)
икона Богородицы «СПОРУЧНИЦА ГРЕШНЫХ»

Молитва первая перед иконой Споручница грешных

К кому возопию, Владычице, к кому прибегну в горести моей, аще не к Тебе, Царице Небес­ная? Кто плач мой и воздыхание мое приимет и молениям нашим скоропослушливо внемлет, аще не Ты, Всеблагая Споручнице, всех наших радостей Радость? Услыши же и нынешния песнопения и моления, и о мне грешном Тебе приносимыя. И буди мне Мати и Покровитель­ница и радости Твоея всем нам Подательница. Устрой жизнь мою, якоже хощеши и якоже веси. Вручаю бо себе Твоему покрову и промышлению, да ра­достно всегда пою Тебе со все­ми: , Благодатная; , Обрадованная. , Пребла-гословенная; , Препрославленная во веки. Аминь.

Молитва вторая перед иконой Споручница грешных

Царице моя Преблагая, Надеждо моя Пресвятая, Споручнице грешных! Се, бедный греш­ник предстоит Тебе! Не остави мене, всеми оставленнаго, не забуди мене, всеми забытаго, даждь ми радость, неведущему радования. О, тяжки мои беды и скорби! О, безмерны мои грехопадения! Яко тьма нощная - житие мое. И несть в сынех человеческих ни единаго сильнаго ми помощи. Ты - Единая моя Надежда. Ты - Единый мой Покров, Прибежище и Утвержде­ние. Дерзновенно простираю к Тебе немощныя мои руце и мо­лю: умилосердися о мне, Всебла­гая, пощади искупленнаго Кровию Сына Твоего, утоли болезни многовоздыхающия души моея, укроти ярость ненавидящих и обидящих мя, возстави силы моя увядающия, обнови, яко у орляте, юность мою, не попусти ослабнути в делании заповедей Божиих. Огнем небесным коснися смущенныя души моея и исполни ю веры непостыдныя, любве нелицемерныя и надежды известныя. Да всегда пою и славлю Тебе, Преблагословенную мира Заступницу, Покров наш и Споручницу всех нас грешных, и поклоняюся Сыну Твоему и Спа­су нашему, Господу Иисусу Хри­сту, со Безначальным Его Отцем и Жизнеподательным Духом Святым во веки веков. Аминь.

Молитва третья перед иконой Споручница грешных

О Владычице Преблагословенная, защитнице рода христианскаго, прибе­жище и спасение притекающих к Те­бе! Вем, воистинну вем, яко зело согреших и прогневах, Премилостивая Госпоже, рожденнаго плотию от Тебе Сына Божия: но имам многии образы прежде мене прогневавших Его благоутробие: мытари, блудницы и прочия грешники, им же дадеся прощение грехов их, покаяния ради и исповеда­ния. Ты убо образы помилованных очесем грешныя души моея представ­ляя и на толикое Божие милосердие, онех приемшее, взирая, дерзнух и аз грешный прибегнути с покаянием ко Твоему благоутробию. О всемилости­вая Владычице, да подаси ми руку помощи и испросиши у Сына Твоего и Бога матерними и святейшими Тво­ими молитвами тяжким моим грехам прощение. Верую и , яко Той, Его же родила еси, Сын Твой, есть воистину Христос, Сын Бога Жи­ваго, Судия живых и мертвых, воздаяй комуждо по делам его. Верую же паки и Тебе быти истин­ную Богородицу, милосердия Источ­ник, Утешение плачущих, Взыскание погибших, сильную и непрестающую к Богу Ходатаицу, зело любящую род христианский, и Споручницу покая­ния. Воистинну бо несть человеком ины помощи и покрова, разве Тебе, Госпоже Премилостивая, и никтоже уповая на Тя постыдеся когда, и Тобою умоляя Бога, никто же остав­лен бысть. Того ради молю Твою неисчетную благость: отверзи двери милосердия Твоего мне, заблудшему и падшему в тимение глубины, не возгнушайся мене сквернаго, не презри грешнаго моления моего, не остави мене окаяннаго, яко в погибель злоб­ный враг похитити мя ищет, но умоли о мне рожденнаго от Тебе милосердаго Сына Твоего и Бога, да простит великия моя грехи, и избавит мя от пагубы моея: яко да и аз со всеми получившими прощение воспою и прославлю безмерное милосердие Божие и Твое непостыдное о мне заступление в жизни сей и в нескончаемом веце. Аминь.

Акафист Пресвятой Богородице перед Ея иконой, именуемой «Споручница грешных»

Кондак 1
Избранней от Всевышняго, грешных Споручнице, преклоня­ющей на милосердие Сына Сво­его, да спасет иже созда рукою Своею, благодарственное пение приносим Ти, Мати Дево и Вла­дычице, о явлении дивныя Твоея и чудотворныя иконы, Ты же яко предстательство ко Господу иму­щи, потщися от обстояний мно­гообразных избавити ны и веч­ное спасение нам соделати, да, воспевающе, вопием Ти: , грешным Споручни­це, всегда о нас руце Свои в поручение Богу приносящая.

Икос 1
Ангелов лики благоговейно Тебе служат и святии вси немолчными гласы Тя ублажают, Богородице Дево, яко рождшую Ангелов Царя, Христа, Бога на­шего, мы же, грешнии, подражати им дерзающе и благохвалити Тя недоумеюще, смиренномудренно архангельский глас вопием Ти, Чистая: , Благодатная, Господь с Тобою; , Преблагословенная в женах, Дево Всенепорочная. , Дщи Отца Небеснаго; , Мати Сына Превечнаго. , Духа Святаго селе­ние; , Ангелов и человек непрестанное удивление. , Честнейшая Херувим; , Славнейшая без срав­нения Серафим. , грешным Споручнице, всегда о нас руце Свои в поручение Богу приносящая.

Кондак 2
Видящи Премилосердная Ма­терь Божия земное скорбное жи­тие наше, немощи и болезни, благоизволи дати нам в благо­словение и утешение, в радость и спасение и от всяких бед и напастей ограждение икону Свою святую, Споручницею грешным в ней нарекшися, да радостная пред сею иконою Ей приносяще, радостно всегда поют Богу: Аллилуиа.

Икос 2
Разум небесный открывающи, Богородице Дево, благоизволила еси многими чудесы прославити икону Твою святую, «Споручница грешных» именуемую, да вси, ведуще таковое Твое о ней бла­говоление, песненно Тебе зовут: , Милосердная всех нас о Христе Мати; , неистощимая сокро­вищнице Божественная благодати. , Тобою бо нисходит к нам Божие благоволение; , Тобою бо имамы вя­щее к Богу дерзновение. , молитвы всех христи­ан приемлющая; , и самых отчаянных грешников моления не отвер­гающая. , яко предстательством Твоим спастися уповаем; , яко молитвами Твои­ми Царство Небесное получити чаем. , грешным Споручнице, всегда о нас руце Свои в поручение Богу приносящая.

Кондак 3
Сила благодатная осеняет всех, Преблагословенная Матерь Божия, с верою к Тебе, яко Споручнице грешных, притекающих и святей иконе Твоей поклоняюшихся: Единей бо токмо Тебе дадеся дар всякое благое проше­ние скоро исполняти и грешных миловати и спасати, и Едина токмо Ты можеши воистину всем помощи елика хощеши, Богу по­ющим: Аллилуиа.

Икос 3
Имеющи Матернее о всех все­благое промышление, Ты, Все­благая Мати Божия, и самых отчаянных грешников ко спасе­нию призываеши, глаголющи: «Аз есмь Споручница грешных к Сыну Моему и Богу, Иже и обеща Мне слышати Мя всегда, да радостная Мне приносящий вечно радоватися будут чрез Ме­не». Сего ради мы, грешнии, Тебе, яко Споручнице нашей, ра­достно зовем: , Заступнице усердная, от Бога нам дарованная; , к Небесному отечеству Путеводительнице наша Бла­годатная. , от рова погибели ис-хищающая; , безпомощных на Свои всемощныя руце приемлющая. , непрестанное уныние отгоняющая; , падших ко благодати возставляющая. , слово премудрости просящим дарующая; , и неразумных разум­ными соделывающая. , грешным Споручнице, всегда о нас руце Свои в поручение Богу приносящая.

Кондак 4
Бурею сомнений искушаемая некая жена не хотяше веровати чудесем, от иконы Твоея, Споручницы, бываемым, но внезапну язвою смертоносною пораженная, позна силу Твою всемощную, Владычице, и чудотворныя иконы Твоея благодать, и, раскаявшися, слезно моляше Тя о прощении неверствия ея, милосердием же Твоим исцеленная, благодарст­венно Богу о Тебе всегда вопияше: Аллилуиа.

Икос 4
Слышит Господь Твоя о нас на Небеси ходатайства, Царице Небесная, и исполняет Твоя про­шения, мы же, грешнии, яко нее благую Скоропослушницу и Споручницу нашу, просим и молим Тя: Владычице, скоро услыши моления наша и вся наша печали на радость преложи и прошения всех зде молящихся скоро исполни, да радостно всег­да поем Ти: , приносящая к Сыну Твоему и Богу моления верных; и Сама у Престола Сына Твоего всегда о нас мо­лящаяся. , Споручнице грешных; , Взыскание погибших. , нечаянную радость верным дарующая; , и наша прошения скоро исполняющая. , Милостивая, всегда нас ; , житие наше доброе устрояющая. , грешным Споручнице, всегда о нас руце Свои в поручение Богу приносящая.

Кондак 5
Яко лучезарную звезду, весь мир озаряющую, подавала еси нам, Владычице Мира, честную Твою икону, «Споручницею греш­ных» именуемую, на нюже взирающе, Самой Тебе, истинней Божией Матери и Деве, покло­няемся, глаголюще: Владычице, приими молитвы раб Твоих и избави ны от всякия нужды и печали, восхваляющих Тя и Богу воспевающих: Аллилуиа.

Икос 5
Некий благоговейный муж страхом велиим преисполнися, егда в нощь Светлаго Христова Воскресения виде икону Твою, Споручнице Всеблагая, светом Небесным блистающуюся и, яко дождевныя капли, миро источаю­щую и молниевидныя искры испущающую, познав в сем зна­мении милости Твоея к людем, со слезами умиления и благода­рения радостно воспе Тебе, Преблагословенней Матери Божией: , огнь Божественный неопально державшая, имже гре­хи наша попаляются; , Свет неприкосновен­ный носившая, имже души наша просвещаются. , руце Свои в поруче­ние о нас Богу приносящая; , вход в Царство Не­бесное и нам, грешным, отвер­зающая. , яко молния тьму гре­хов наших разсекающая; , яко миро благовон­ное, сердца наша умягчающая. , источники чудес всю­ду источающая; , иконою Твоею вся люди возвеселяющая. , грешным Споручни­це, всегда о нас руце Свои в поручение Богу приносящая.

Кондак 6
Весь мир христианский про­поведует милости и чудеса Твоя, Препрославленная Мати Господа, и светлокрасуется многими чудо-творными Твоими иконами, среди коих икона Твоя, «Споручница грешных» именуемая, яко луна полная, лучами милости Твоея и чудес немерцаемо сияет, просвещающи и освещающи души на­ша светом Божия благодати, подвизающи нас хвалебно Богу взывати: Аллилуиа.

Икос 6
Возсия в одну из нощей свет небесный в храме Николо-Ха-мовническом, егда прият образ Твой чудотворный, Споручнице грешным, светильники тогда и лампады невидимою силою в храме сем возжигахуся, света горящая аки в служении незримо кем окрест престола ношашеся. Людие же, вне храма стоявшии и сия вся видевше, дивляхуся, славяще Тя, Мати Божия, и Сы­на Твоего, мы же, воспоминающе дивное сие видение, с умилени­ем Тебе глаголем: , скорби наша в радость претворяющая; , нена-деющихся несом­ненною надеждою возвеселяющая. , свеще, у престола Божия присногорящая; , лампадо, елеем Божествен-ным светящая. , свете лучезарный, пу­ти жизни нам показующий; , храме одушевленный, всех нас освещающий. , уповающим на Тя непостыдную жизнь дарующая; , и по смерти неотступно о них пред Богом хо­датайствующая. , грешным Споручнице, всегда о нас руце Свои в поручение Богу приносящая.

Кондак 7
Хотя Долготерпеливый Гос­подь явити Бездну Своего чело­веколюбия и щедрот, избра Тебе, Пресвятая Дево, в Матерь Себе и яви Тя неисчерпаемым источни­ком милостей Своих, да аще кто праведным судом Божиим осуж­дения достоин, Твоим ходатайст­вом, яко грешным Споручницы, сохранен будет, велегласно зо­вый: Аллилуиа.

Икос 7
Дивная дела Твоя показал еси нам, Господи, в Пречистей Твоей Матери и дивну даровал еси нам Ея икону, паче лучей солнечных просвещающу люди, яко Самую зрящих Богородицу и верою сер­дечною от души любовию, яко Божией Матери и Деве, Ей во­пиющих: , купель, в нейже вся скорби наша погружаются; , чаше, еюже радость и спасение вси восприемлем. , Живоносный источниче, всех нас оживотворяющий; , цвете неувядаемый, всех нас облагоухающий. , скорбей наших ус­лаждение; , печалей наших утоление. , болезней наших вра­чевание; , от бед скорое наше избавление. , грешным Споручнице, всегда о нас руце Свои в поручение Богу приносящая.

Кондак 8
Странники и пришельцы есмы на земли и, по глаголу Апосто­ла, не имамы зде пребывающаго града. Но к кому прибегнем, Владычице, в скорбех жития на­шего, аще не к Тебе, Всеблагая Споручнице о нас грешных! Не отвержи нас, Мати Божия, и не рцы нам: «Не вем вас грехов ради ваших», но помилуй нас, сирых и безпомощных, и приими нас в вечныя кровы, Покровительнице наша, да радостно вопием во славе Небесней Царю славы Христу: Аллилуиа.

Икос 8
Всем верным утешительно есть взирати на святую икону Твою, Владычице, Споручнице грешным, на нейже зрим Тя, на руку Твоею держащую Превечнаго Младенца, Господа нашего Иисуса Христа, Емуже поклоняющеся боголепно, яко Творцу и Богу нашему, Тебе, истинней Богородице, умильно глаголем: Владычице, помози, на ны милосердовавши, потщися, погибаем от множества прегрешений, не отврати Твоя рабы тщы, Тебе вопиющия: , алчущих Питатель-нице; , нагих одеяние. , вдов Защитительнице; , сирот Покровитель­нице. , гонимых и обидимых Заступнице; , страждущих и пле­ненных скорая Освободительнице. , грешным Споручнице, всегда о нас руце Свои в поручение Богу приносящая.

Кондак 9
Все естество ангельское похвальныя песнопения приносит Тебе, Божией Матери и Споручнице всех припадающих Тебе, просящих Твоея помощи и Твоего утешения, яко твердым и крепким Твоим предстательством праведных веселиши, грешных заступаеши и от бед избавлявши и печали утоляеши и молишися о всех, верою зовущих о Тебе Богу: Аллилуиа.

Икос 9
Витийствующий всяк язык недоумеет благохвалити Тя по достоянию, изумевает же ум и премирный пети Тя, Богородице: обаче Благая сущи, веру приими, ибо любовь веси Божественную нашу: Ты бо христиан еси Пред­стательница, Тебе зовущих: , сиянием Пречистыя души Твоея всю землю просве­тивщая; , чистотою телесе Тво­его вся небеса возвеселившая. , всех нас при Кресте Сына Твоего усыновившая; , всегда Матернюю любовь Твою к нам являющая. , всех даров духовных и телесных всемощная Податель­нице; , благ временных и вечных усердная нам Ходатаице. , двери Царствия Христова верным отверзающая; , и на земли радостию и веселием сердца наша исполняющая. , грешным Споручнице, всегда о нас руце Свои в поручение Богу приносящая.

Кондак 10
Спасти хотя род человеческий от вечныя муки и непрестающия скорби, Человеколюбец Господь Тебе, Матерь Свою, дарова зем­ным на помощь, глаголя: сынове человечестии, се Мати Моя по­кровом и прибежищем вам да будет, печальным - утешением, скорбящим - радованием, обидимым - Заступницею, бедству­ющим - помощию, больным - целительницею, грешным - Споручницею, да всех из глуби­ны греховныя воздвигнет, во­пиющих: Аллилуиа.

Икос 10
«Царю Небесный, Сыне и Бо­же Мой, - тако молит за нас всегда Небесная Царица, - приими всякаго человека, славящего Тя и призывающаго Имя Твое Святое, и прославляющих Мя Имени Твоего ради, и не отрини их от лица Твоего, но благоволи в них и приими от них всякое благое моление и всех от бед избави». Мы же, грешнии, на-деющиися на Твоя Матерния мо­литвы, зовем Ти: , яко Ты еси Молитвенница наша к Богу теплая; , яко Твоя молитва всегда пред Богом многомощна. , Твоими молитвами и наша убогия моления богоприятными соделовающая; , и наше недостоинст-во Твоим предстательством восполняющая. , кающихся грешников непостыдная Споручнице; , всех христиан право­славных Заступнице. , вся наша болезни ис­целяющая; , облак страстей и ис­кушений разгоняющая. , грешным Споручни­це, всегда о нас руце Свои в поручение Богу приносящая.

Кондак 11
Пение всеумиленное приими от нас, Небесная Споручнице на­ша, и молитву, приносимую Те­бе, Дево Богородице, скоро услыши: к Тебе бо в напастех, скорбех и печалех прибегаем и пред Тобою в бедах наших слезы проливаем и молим: Владычице, утоли печали и приими молитвы раб Твоих, о Тебе поющих: Аллилуиа.

Икос 11
Светлыми лучами знамений и чудес немерцаемо сияет святая икона Твоя, Богородице Дево, и всех благодатно озаряет, с верою пред нею Тебе молящихся, прогоняющи всякое вражие действо силою Божиею, от нея исходя­щею. Темже радуемся мы, грешнии, имуще таковую чудную икону Твою в храме своем, яко залог Твоего к нам и храму нашему благоволения, и Тебе, Споручнице нашей и Скоропослушнице молений наших, бла­годарственно взываем: , радость благодатную нам изливающая; , утешение духовное скоро нам подающая. , желания богоугодныя исполняющая; , во всяких скорбных обстояниях на помощь нам по­спешающая. , в вере и благочестии живущих зело любящая; , сердца их любовию к Богу и людям воспламеняющая. , в час недоумения мысль благу на сердце пола­гающая; , во всем упование на Бога имети нас научающая. , грешным Споручнице, всегда о нас руце Свои в поручение Богу приносящая.

Кондак 12
Благодать Божия, присущая святей Твоей иконе, «Споручницею грешных» именуемой, Богомати Владычице, влечет к ней всех скорбящих и грехми многи­ми и напастьми обремененных, и не тщы отходят они от сего источника многообразных Твоих милостей и щедрот, но в скорбех - отраду, в напастех - защиту, в болезнях - цельбу и вся для души и телес благопотребныя неоскудно получают от чудотворнаго образа Твоего, Всеблагая, аще по Бозе все упование на Тя возлагают, поюще: Аллилуиа.

Икос 12
Поюще неизреченное Твое Матернее к нам грешным мило­сердие, хвалим Тя, яко Всемощную Споручницу нашу, благосло­вим Тя, яко Всеблагую Скоропослушницу молений наших, и со умилением поклоняемся Тебе в честней Твоей иконе, веруем бо и уповаем, яко и ныне ис­просиши нам у Сына Твоего и Бога, да в жизни сей и по смерти нашей милосердие Его неотступно будет о всех, с любовию поющих Ти: , Твоими молитвами весь мир спасающая; , Твоими ходатайствы всю Вселенную заступающая. , яко всем с верою притекающим скоро помогающая; , и Небеснаго Царствия им испрошающая. , яко на икону Твою взирающе, Самой Тебе, истинней Богородице, поклоняемся; , Твоим предстательством вся благая желания наша скоро исполняющая. , и в час смертный верных Своих не оставляющая; , и по смерти о вечно блаженнем их упокоении хода­тайствующая. , грешным Споручнице, всегда о нас руце Свои в поручение Богу приносящая.

Кондак 13
О, Всепетая Мати, Всеблагая Споручнице спасения грешных, Богородице Дево! Приими милостиво и нынешнее наше моление, еже от усердия нашего во благодарение Ти принесохом, и испроси нам у Всещедраго Бога в вере православной непоколебимость, в любви христианской преуспеяние и грехов наших прощение, да пред-стательством Твоим унаследим Царствие Не­бесное и сподобимся со всеми святыми пети Богу: Аллилуиа.
(Этот кондак читается трижды, затем икос 1 и кондак 1)

Своё название икона Споручница грешных получила по содержанию одного из свитков, расположенных в четырёх углах иконы: «Аз Споручница грешных к Моему Сыну». Споручница – означает Поручительница перед Иисусом Христом за согрешающих людей, неусыпная за них Ходатаица и Молитвенница.
В 1844 году в монастырь, где находилась икона Споручница грешных (Николо-Одринский монастырь близ города Карачева Орловской губернии) пришла купеческая жена Почепина с двухлетним сыном, который страдал от жестоких припадков, и попросила отслужить молебен пред иконою «Споручница грешных». Молебен отслужили, и больной ребёнок выздоровел. Вскоре от иконы последовали и другие чудесные знамения. С тех пор образ Божией Матери в Николо-Одринском монастыре стал считаться чудотворным. Особенно прославилась икона исцелениями во время эпидемии холеры в 1847/48 годах.
В 1846 году иеромонах Одрина монастыря был послан в Москву для сооружения ризы на чудотворную икону Божьей Матери Споручница грешных, где его приютил у себя подполковник Д. Н. Бонческул. В благодарность за его гостеприимство из Одрина монастыря был прислан точный список (копия) чудотворной иконы, сделанный на липовой доске.
Полученную икону Споручница грешных Д. Бонческул с благоговением поставил с другими иконами в домашний иконостас. Вскоре все стали замечать, что по иконе Споручница грешных мелькает необыкновенный блеск, а с самого образа начали истекать капли маслянистой влаги. Этой влагою помазали нескольких болящих, и они исцелились. Со всех сторон стали приезжать к иконе больные, молились перед нею и получали исцеление.
В 1848 году подполковник Бонческул пожертвовал свою икону «Споручница грешных» в приходскую Николаевскую церковь в Хамовниках. Истечение маслянистой жидкости из иконы продолжалось, и диакон, стоящий при иконе, отирал влагу бумагою и раздавал народу. Вскоре мироточение прекратилось, но в алтаре церкви начались явления необычного света в виде появлявшихся и исчезавших звёзд. Икона прославилась многими официально зафиксированными исцелениями.
В настоящее время чудотворные иконы Богоматери Споручница грешных находятся в Николо-Одринской пустыни в селе Одрино Карачевского района Брянской области и в Москве в храме святителя Николая в Хамовниках (ул. Льва Толстого, 2, метро «Парк культуры» (Кольцевая)).

11.06.2018

Икона Божией Матери «Споручница грешных»

«Споручница грешных», икона Божией Матери . Празднование совершается 7 марта (20 марта), 29 мая (11 июня), в четверг 1-й седмицы Пятидесятницы.

Названа так по надписи, сохранившейся на иконе: «Аз Споручница грешных к Моему Сыну…».

Впервые этот образ прославился чудесами в Николаевском Одрине мужском монастыре Орловской губернии в середине прошлого столетия. Древняя икона Богоматери «Споручница грешных» из-за ветхости своей не пользовалась должным почитанием и стояла в старой часовне у монастырских ворот. Но в 1843 году многим жителям в сновидениях было открыто, что икона эта наделена, по Божьему Промыслу, чудотворной силой. Икону торжественно перенесли в церковь. К ней начали стекаться верующие и просить о врачевании своих печалей и болезней. Первым получил исцеление расслабленный мальчик, мать которого горячо молилась перед этой святыней. Особенно прославилась икона во время эпидемии холеры, когда многих смертельно больных, с верою к ней притекающих, она возвратила к жизни.

В монастыре в честь чудотворного образа был построен большой трехпрестольный храм. На иконе «Споручница грешных» Богоматерь изображена с Младенцем на левой руке, Который обеими руками Своими держит Ее правую руку. Главы Богоматери и Младенца увенчаны коронами.

В 1848 году усердием москвича Димитрия Бонческула был сделан список с этого чудотворного образа и помещен в его доме. Вскоре он прославился истечением целительного мира, давшего многим выздоровление от тяжких болезней. Этот чудотворный список перенесли в храм святителя Николая в Хамовниках, в котором был устроен тогда же придел в честь иконы Божией Матери «Споручница грешных».

Канон пред иконой Пресвятой Богородицы «Споручница грешных»

Тропарь

глас 4-й

Умолкает ныне всякое уныние и страх отчаяния исчезает, грешницы в скорби сердца обретают утешение и Небесною любовию озаряются светло: днесь бо Матерь Божия простирает нам спасающую руку и от Пречистаго образа Своего вещает, глаголя: Аз Споручница грешных к Моему Сыну, Сей дал Мне за них руце слышати Мя выну. Темже, людие, обремененнии грехи многими, припадите к подножию иконы Ея, со слезами вопиюще: Заступнице мира, грешных Споручнице, умоли Матерними Твоими молитвами Избавителя всех, да Божественным всепрощением покрыет грехи наша и светлыя двери райския отверзет нам, Ты бо еси предательство и спасение рода христианскаго.

Канон

глас 2-й

Песнь 1

Ирмос: Во глубине постла иногда фараонитское всевоинство преоруженная сила, воплощшееся же Слово всезлобный грех потребило есть, препрославленный Господь славно бо прославися.
Припев:
В нарочитый день праздника нашего отверзем, людие, уста своя и новыми песньми величия Приснодевы воспоем. Се бо явлением святыя Своея иконы – грешным Споручницы – множеством чудес от нея славно прославися.
Пресвятая Богородице, спаси нас.
Якоже светозарное Солнце, от горы Синайския возсиявшее, облиста нас образ Споручницы грешных, имже благодати залог миру даровася и спасение на земли возвестися, покров и прибежище верным, любовию почитающим Его.
Слава: Рукою крепкою люди Своя от горькия работы Избавльшему и из глубины морския Изведшему простри руце Твоя, Дево Чистая, и молися прилежно, да изведет из плена греховнаго души верных, празднующих светло заступление Твое.
И ныне: Всех падших востание, заблуждающих Наставнице, унывающих радование, болящих исцеление и всех грешных спасение, соблюди и сохрани нас, Госпоже, Божественным к Сыну за ны ходатайством Твоим.

Песнь 3

Ирмос: Неплодствовавший мой ум плодоносен, Боже, покажи ми, Делателю добрых, Насадителю благих, благоутробием Твоим.
Пресвятая Богородице, спаси нас.
Свыше данною Ти благодатию обновила еси, Споручнице мира, многими грехами обветшавшия сердца наша, и, воздеющи руце, молишися к Сыну Твоему за люди согрешившия: спаси, Дево, нас молитвами Твоими.
Пресвятая Богородице, спаси нас.
Яко облак дожденосный, видим образ Твой, Владычице мира, воду бо спасительную чудес от Него испущающи, грехми изсохшия сердца благодатию напаяеши и приводиши нас к творению добродетелей плода, сего ради любовию ублажаем Тя.
Слава: Жезл Ааронов процветший именова Тя древле Моисей, Цвет бо живоносный — Христа – прозябла еси, Емуже простерши длани, молися, Богомати, страстьми умерщвленныя души наша оживити плодоносною благодатию Своею.
И ныне: Ороси нас росою молитв Твоих, Богородительнице, и неплодная в пустыне греховней увядающая сердца наша плодоносны ныне соделай всесильным к Богу ходатайством Твоим.

Песнь 4

Ирмос: Пришел еси от Девы, не Ходатай, ни Ангел, но Сам, Господи; воплощся, и спасл еси всего мя, человека. Тем зову Ти: слава силе Твоей, Господи.
Пресвятая Богородице, спаси нас.
Пришла еси в мир за грешники Ходатаица, и яко Ангел утешаяй и ко исправлению вся подвизаяй; темже убо, Мати Божия, Споручница буди ми во благо, яко да обращуся и прежде согрешенных разрешение прииму, радостно вопиюще: слава силе Твоей, Господи.
Пресвятая Богородице, спаси нас.
Сокровище безценное обретохом – свето¬носный образ Твой, Богородице, мироточный и многоцелебный, благодати Божия обильно преисполненный, Емуже покланяющеся, источити просим освящение душам и телесем нашим.
Слава: Лествица явилася еси образно Иако¬ву, от земли к высоте утвержденная, еюже сниде Владыка Неба и земли, да Тою путь правый покаяния покажет нам и к чертогам Небесным возведет люди согрешившия.
И ныне: Едина надежда несумненная и грешным Споручница Ты еси, Пречистая, Тобою бо Христос Бог, преклонь Небеса, на землю сниде обновити падшее создание Свое; темже, проси, Дево, грехов прощение даровати нам, верою поющим Ему: слава силе Твоей, Господи.

Песнь 5

Ирмос: Ходатай Богу и человеком был еси, Христе Боже: Тобою бо, Владыко, к Светоначальнику, Отцу Твоему, от нощи неведения приведение имамы.
Пресвятая Богородице, спаси нас.
Ходатай Богу и человеком, Христос Бог, Ходатаицу Тя миру показа и грешным Споручницу. Егоже милостива соделай нам, Пресвятая Мати Дево, теплым заступлением Твоим.
Пресвятая Богородице, спаси нас.
Паче солнца светлеется образ Твой, Богоневесто, всю страну нашу осиявающий знамении и чудесы, тьму же греховную разгоняющий и благое всем источающий Небесное миро во спасение верных и миру христианскому во обновление.
Слава: Руно Тя Гедеон вообрази орошенное, на негоже, яко роса, Христос Бог сниде, да, росою молитв Твоих орошеннии, грешницы к покаянию подвигнутся и к вечным обителем Светоначальника Отца Небеснаго приведение да имут.
И ныне: Се плачу и рыдаю горце, егда от нощи нерадения во ум прииду от многих моих злых прегрешений. Темже молю Тя, Мати Благая: Споручница буди ми и настави мя на путь, еже ходити во истине, слезы при¬носяще о своих согрешениих.

Песнь 6

Ирмос: В бездне греховней валяяся, неизследную милосердия Твоего призываю бездну: от тли, Боже, мя возведи.
Пресвятая Богородице, спаси нас.
Радости нам вечныя и жизни нетленныя Ходатаица явилася еси, Богородительнице, приносяще за ны руце к Сыну Твоему и Спасу всех, всяку слезу от лица земнаго отъемшему и неизследную милосердия Своего бездну Тобою миру показавшему.
Пресвятая Богородице, спаси нас.
Святителя Николая, предстояща образу Твоему, благоговейный муж узрети сподобися и благоволения Твоего глаголы от Тебе, Царице, услыша, яже верным быша во утверждение и о людех промышления Твоего во свидетельство.
Слава: Свиток нов Тебе Исаия, Дево, предвидев, на немже написася живое слово Отчее, Егоже моли, Чистая, Всеблаженная, в книзе мне живых написатися и многих зол моих растерзати свиток покаяния предобрыми образы.
И ныне: Из глубины бездны греховныя к Тебе руце простираю и сквернии устне мои к молению отверзаю, подножию же ног Твоих, Владычице, припадаю и, рыдающи, вопию Ти: молися, Заступнице, Сыну Твоему, прощение улучити ми и милость в День судный.

Господи, помилуй (трижды). Слава, и ныне:

Кондак

глас 1-й

Честное жилище бывшее неизреченнаго естества Божественнаго выше слова и паче ума и грешным еси Споручница, подаваеши благодать и исцеление, яко Мати всех Царствующаго: моли Сына Твоего получити нам милость в День судный.

Икос

Светоноснаго явления и преславнаго Твоея иконы, Споручницы грешных прославления, чудес же многих пучины и мира многоцелебнаго излияния витийствующих уста не возмогают исповедати достойно; мы же, грешнии и смиреннии, что возглаголем Ти, Богоневестная Дево? Токмо: помилуй нас. Едину бо Тя жизни нашея стяжахом Хранительницу и Надежду крепку спасения. Темже молим Тя, о Благосердная: Споручница нам покаяния явися и ходатайствуй к Сыну Твоему: да будущих истязаний избавимся и милостива Его обрящем в День судный.

Песнь 7

Ирмос: Богопротивное веление беззаконнующаго мучителя высок пламень вознесло есть. Христос же простре Богочестивым отроком росу духовную, Сый благословен и препрославлен.
Пресвятая Богородице, спаси нас.
В нощи, и во дни, и во всяких обстояниих спасение твердо имамы Тя, Богородице, христианом покров и прибежище, выну бо руце ко Господу простерши, росою молитв Твоих, якоже отроки благочестивыя, охранявши от напастей верныя, зовущия: благословенна еси, Мати Дево, и препрославлена.
Пресвятая Богородице, спаси нас.
Не терпя муж благочестивый зрети неизреченнаго от образа Твоего осияния, на землю ниц паде, моляся; мы же, грешнии, благодатную икону сию зряще, любовно вопием Ти: благословенна буди, Споручнице спасения нашего, и препрославлена во веки.
Слава: Серафим древле, клещами угль носяй горящий, во уста коснуся Исаии, попаляя грехи его. Ты же, клеща светозарная сущи, Богородице, Угль Божественный носившая, Христа Иисуса, прикоснися Его милосердию, да опалив грехи наша и беззакония лютая.
И ныне: Не отвержи мене от лица Твоего, Всенепорочная, егда к Пречистому образу Твоему воззрю, стеняще о гресех тяжких, но милостива буди ми Заступница к Сыну, милосердием бо преклоняется и спасение грешников соделывает ходатайством Твоим.

Песнь 8

Ирмос: В пещь огненную ко отроком еврейским снизшедшаго и пламень в pоcy преложшаго Бога пойте, дела, яко Господа и превозносите во вся веки.
Пресвятая Богородице, спаси нас.
В пещь огненную страстей мира снизшедшую и пламень греховный в росу покаяния спасительнаго преложшую Богородицу, прекрасный лик весело сплетши, пойте, дела, яко Заступницу мира Деву Чистую, и превозносите во вся веки.
Пресвятая Богородице, спаси нас.
Света Небеснаго в нощи многообразными играньми славят всечестную икону Твою, Владычице, Горнии Чини и Тебе, Богоневестную Матерь, ублажают радостно. Юже, яко Световодительницу из тьмы греховныя, людие, превозносите во вся веки.
Слава: От древле до ныне Саму Матерь Царя Христа Утешительницу тверду в напастех имущи, в скорбех же и печалех присное избавление, в бедах помощь и в покаянии Споручницу, благословите, сынове человечестии, пойте Сию и превозносите во вся веки.
И ныне: Даждь рабом Твоим, Всеблагая Царице, прошения спасительная в храме сем, в немже источник преславных чудес показала еси, токи мира источая от святаго образа Твоего, имиже страсти душ и телес врачуеши неизреченным милосердием Твоим.

Песнь 9

Ирмос: Безначальна Родителя Сын, Бог и Господь, воплощся от Девы, нам явися, омраченныя просветити, собрати расточенная. Тем Всепетую Богородицу величаем.
Пресвятая Богородице, спаси нас.
Не возмогает слово человеческое, ниже язык всяк похвалити Тя достойно, но Ты, Пресвятая, благодать неоскудную от Господа приимшая и грешным Споручница свыше преднареченная, вретище прегрешений наших расторгни и омраченныя просвети ны, веселием же добродетелей препоясующи, не остави нас заступлением Твоим, да Тя, Всепетую Богородицу, величаем.
Пресвятая Богородице, спаси нас.
Светом невещественнаго светолития сияя, образ Твой, Отроковице Непорочная, омра¬ченныя грехми просвещает и расточенная вся под кров спасительный храма Твоего собирает, тем, веселящеся, Тя, Всепетую Богородицу, величаем.
Слава: Якоже Давид праотец древле пред сенным ковчегом взыграше радостно, сице и мы Царице Неба пришедшей песньми взыграем немолчными, славяще образа Ея многоцелебнаго всечестное прославление.
И ныне: Срадуемся днесь и свеселимся неизреченному Божию дарованию – дивному образу Приснодевы, радость бо вечную от Него источает нам, напастей и печалей свобождая. Темже благодарственныя песни воспеваем веселия Ходатаице и верно любовию вси яко Богоматерь величаем.

Акафист Пресвятой Богородице перед Ея иконой, именуемой «Споручница грешных».

Кондак 1

Избранней от Всевышняго, грешных Споручнице, преклоняющей на милосердие Сына Своего, да спасет иже созда рукою Своею, благодарственное пение приносим Ти, Мати Дево и Владычице, о явлении дивныя Твоея и чудотворныя иконы, Ты же яко предстательство ко Господу имущи, потщися от обстояний многообразных избавити ны и вечное спасение нам соделати, да, воспевающе, вопием Ти: Радуйся, грешным Споручнице, всегда о нас руце Свои в поручение Богу приносящая.

Икос 1

Ангелов лики благоговейно Тебе служат и святии вси немолчными гласы Тя ублажают, Богородице Дево, яко рождшую Ангелов Царя, Христа, Бога нашего, мы же, грешнии, подражати им дерзающе и благохвалити Тя недоумеюще, смиренномудренно архангельский глас вопием Ти, Чистая: Радуйся, Благодатная, Господь с Тобою; Радуйся, Преблагословенная в женах, Дево Всенепорочная. Радуйся, Дщи Отца Небеснаго; Радуйся, Мати Сына Превечнаго. Радуйся, Духа Святаго селение; Радуйся, Ангелов и человек непрестанное удивление. Радуйся, Честнейшая Херувим; Радуйся, Славнейшая без сравнения Серафим. Радуйся, грешным Споручнице, всегда о нас руце Свои в поручение Богу приносящая.

Кондак 2

Видящи Премилосердная Матерь Божия земное скорбное житие наше, немощи и болезни, благоизволи дати нам в благословение и утешение, в радость и спасение и от всяких бед и напастей ограждение икону Свою святую, Споручницею грешным в ней нарекшися, да радостная пред сею иконою Ей приносяще, радостно всегда поют Богу: Аллилуиа.

Икос 2

Разум небесный открывающи, Богородице Дево, благоизволила еси многими чудесы прославити икону Твою святую, ‘Споручница грешных’ именуемую, да вси, ведуще таковое Твое о ней благоволение, песненно Тебе зовут: Радуйся, Милосердная всех нас о Христе Мати; Радуйся, неистощимая сокровищнице Божественная благодати. Радуйся, Тобою бо нисходит к нам Божие благоволение; Радуйся, Тобою бо имамы вящее к Богу дерзновение. Радуйся, молитвы всех христиан приемлющая; Радуйся, и самых отчаянных грешников моления не отвергающая. Радуйся, яко предстательством Твоим спастися уповаем; Радуйся, яко молитвами Твоими Царство Небесное получити чаем. Радуйся, грешным Споручнице, всегда о нас руце Свои в поручение Богу приносящая.

Кондак 3

Сила благодатная осеняет всех, Преблагословенная Матерь Божия, с верою к Тебе, яко Споручнице грешных, притекающих и святей иконе Твоей поклоняюшихся: Единей бо токмо Тебе дадеся дар всякое благое прошение скоро исполняти и грешных миловати и спасати, и Едина токмо Ты можеши воистину всем помощи елика хощеши, Богу поющим: Аллилуиа.

Икос 3

Имеющи Матернее о всех всеблагое промышление, Ты, Всеблагая Мати Божия, и самых отчаянных грешников ко спасению призываеши, глаголющи: ‘Аз есмь Споручница грешных к Сыну Моему и Богу, Иже и обеща Мне слышати Мя всегда, да радостная Мне приносящии вечно радоватися будут чрез Мене’. Сего ради мы, грешнии, Тебе, яко Споручнице нашей, радостно зовем: Радуйся, Заступнице усердная, от Бога нам дарованная; Радуйся, к Небесному отечеству Путеводительнице наша Благодатная. Радуйся, от рова погибели исхищающая; Радуйся, безпомощных на Свои всемощныя руце приемлющая. Радуйся, непрестанное уныние отгоняющая; Радуйся, падших ко благодати возставляющая. Радуйся, слово премудрости просящим дарующая; Радуйся, и неразумных разумными соделывающая. Радуйся, грешным Споручнице, всегда о нас руце Свои в поручение Богу приносящая.

Кондак 4

Бурею сомнений искушаемая некая жена не хотяше веровати чудесем, от иконы Твоея, Споручницы, бываемым, но внезапну язвою смертоносною пораженная, позна силу Твою всемощную, Владычице, и чудотворныя иконы Твоея благодать, и, раскаявшися, слезно моляше Тя о прощении неверствия ея, милосердием же Твоим исцеленная, благодарственно Богу о Тебе всегда вопияше: Аллилуиа.

Икос 4

Слышит Господь Твоя о нас на Небеси ходатайства, Царице Небесная, и исполняет Твоя прошения, мы же, грешнии, яко нее благую Скоропослушницу и Споручницу нашу, просим и молим Тя: Владычице, скоро услыши моления наша и вся наша печали на радость преложи и прошения всех зде молящихся скоро исполни, да радостно всегда поем Ти: Радуйся, приносящая к Сыну Твоему и Богу моления верных; Радуйся и Сама у Престола Сына Твоего всегда о нас молящаяся. Радуйся, Споручнице грешных; Радуйся, Взыскание погибших. Радуйся, нечаянную радость верным дарующая; Радуйся, и наша прошения скоро исполняющая. Радуйся, Милостивая, всегда нас милующая; Радуйся, житие наше доброе устрояющая. Радуйся, грешным Споручнице, всегда о нас руце Свои в поручение Богу приносящая.

Кондак 5

Яко лучезарную звезду, весь мир озаряющую, подавала еси нам, Владычице Мира, честную Твою икону, ‘Споручницею грешных’ именуемую, на нюже взирающе, Самой Тебе, истинней Божией Матери и Деве, поклоняемся, глаголюще: Владычице, приими молитвы раб Твоих и избави ны от всякия нужды и печали, восхваляющих Тя и Богу воспевающих: Аллилуиа.

Икос 5

Некий благоговейный муж страхом велиим преисполнися, егда в нощь Светлаго Христова Воскресения виде икону Твою, Споручнице Всеблагая, светом Небесным блистающуюся и, яко дождевныя капли, миро источающую и молниевидныя искры испущающую, познав в сем знамении милости Твоея к людем, со слезами умиления и благодарения радостно воспе Тебе, Преблагословенней Матери Божией: Радуйся, огнь Божественный неопально державшая, имже грехи наша попаляются; Радуйся, Свет неприкосновенный носившая, имже души наша просвещаются. Радуйся, руце Свои в поручение о нас Богу приносящая; Радуйся, вход в Царство Небесное и нам, грешным, отверзающая. Радуйся, яко молния тьму грехов наших разсекающая; Радуйся, яко миро благовонное, сердца наша умягчающая. Радуйся, источники чудес всюду источающая; Радуйся, иконою Твоею вся люди возвеселяющая. Радуйся, грешным Споручнице, всегда о нас руце Свои в поручение Богу приносящая.

Кондак 6

Весь мир христианский проповедует милости и чудеса Твоя, Препрославленная Мати Господа, и светлокрасуется многими чудотворными Твоими иконами, среди коих икона Твоя, ‘Споручница грешных’ именуемая, яко луна полная, лучами милости Твоея и чудес немерцаемо сияет, просвещающи и освещающи души наша светом Божия благодати, подвизающи нас хвалебно Богу взывати: Аллилуиа.

Икос 6

Возсия в одну из нощей свет небесный в храме Николо-Хамовническом, егда прият образ Твой чудотворный, Споручнице грешным, светильники тогда и лампады невидимою силою в храме сем возжигахуся, света горящая аки в служении незримо кем окрест престола ношашеся. Людие же, вне храма стоявшии и сия вся видевше, дивляхуся, славяще Тя, Мати Божия, и Сына Твоего, мы же, воспоминающе дивное сие видение, с умилением Тебе глаголем: Радуйся, скорби наша в радость претворяющая; Радуйся, ненадеющихся несомненною надеждою возвеселяющая. Радуйся, свеще, у престола Божия присногорящая; Радуйся, лампадо, елеем Божественным светящая. Радуйся, свете лучезарный, пути жизни нам показующий; Радуйся, храме одушевленный, всех нас освещающий. Радуйся, уповающим на Тя непостыдную жизнь дарующая; Радуйся, и по смерти неотступно о них пред Богом ходатайствующая. Радуйся, грешным Споручнице, всегда о нас руце Свои в поручение Богу приносящая.

Кондак 7

Хотя Долготерпеливый Господь явити Бездну Своего человеколюбия и щедрот, избра Тебе, Пресвятая Дево, в Матерь Себе и яви Тя неисчерпаемым источником милостей Своих, да аще кто праведным судом Божиим осуждения достоин, Твоим ходатайством, яко грешным Споручницы, сохранен будет, велегласно зовый: Аллилуиа.

Икос 7

Дивная дела Твоя показал еси нам, Господи, в Пречистей Твоей Матери и дивну даровал еси нам Ея икону, паче лучей солнечных просвещающу люди, яко Самую зрящих Богородицу и верою сердечною от души любовию, яко Божией Матери и Деве, Ей вопиющих: Радуйся, купель, в нейже вся скорби наша погружаются; Радуйся, чаше, еюже радость и спасение вси восприемлем. Радуйся, Живоносный источниче, всех нас оживотворяющий; Радуйся, цвете неувядаемый, всех нас облагоухающий. Радуйся, скорбей наших услаждение; Радуйся, печалей наших утоление. Радуйся, болезней наших врачевание; Радуйся, от бед скорое наше избавление. Радуйся, грешным Споручнице, всегда о нас руце Свои в поручение Богу приносящая.

Кондак 8

Странники и пришельцы есмы на земли и, по глаголу Апостола, не имамы зде пребывающаго града. Но к кому прибегнем, Владычице, в скорбех жития нашего, аще не к Тебе, Всеблагая Споручнице о нас грешных! Не отвержи нас, Мати Божия, и не рцы нам: ‘Не вем вас грехов ради ваших’, но помилуй нас, сирых и безпомощных, и приими нас в вечныя кровы, Покровительнице наша, да радостно вопием во славе Небесней Царю славы Христу: Аллилуиа.

Икос 8

Всем верным утешительно есть взирати на святую икону Твою, Владычице, Споручнице грешным, на нейже зрим Тя, на руку Твоею держащую Превечнаго Младенца, Господа нашего Иисуса Христа, Емуже поклоняющеся боголепно, яко Творцу и Богу нашему, Тебе, истинней Богородице, умильно глаголем: Владычице, помози, на ны милосердовавши, потщися, погибаем от множества прегрешений, не отврати Твоя рабы тщы, Тебе вопиющия: Радуйся, алчущих Питательнице; Радуйся, нагих одеяние. Радуйся, вдов Защитительнице; Радуйся, сирот Покровительнице. Радуйся, гонимых и обидимых Заступнице; Радуйся, страждущих и плененных скорая Освободительнице. Радуйся, грешным Споручнице, всегда о нас руце Свои в поручение Богу приносящая.

Кондак 9

Все естество ангельское похвальныя песнопения приносит Тебе, Божией Матери и Споручнице всех припадающих Тебе, просящих Твоея помощи и Твоего утешения, яко твердым и крепким Твоим предстательством праведных веселиши, грешных заступаеши и от бед избавлявши и печали утоляеши и молишися о всех, верою зовущих о Тебе Богу: Аллилуиа.

Икос 9

Витийствующий всяк язык недоумеет благохвалити Тя по достоянию, изумевает же ум и премирный пети Тя, Богородице: обаче Благая сущи, веру приими, ибо любовь веси Божественную нашу: Ты бо христиан еси Предстательница, Тебе зовущих: Радуйся, сиянием Пречистыя души Твоея всю землю просветивщая; Радуйся, чистотою телесе Твоего вся небеса возвеселившая. Радуйся, всех нас при Кресте Сына Твоего усыновившая; Радуйся, всегда Матернюю любовь Твою к нам являющая. Радуйся, всех даров духовных и телесных всемощная Подательнице; Радуйся, благ временных и вечных усердная нам Ходатаице. Радуйся, двери Царствия Христова верным отверзающая; Радуйся, и на земли радостию и веселием сердца наша исполняющая. Радуйся, грешным Споручнице, всегда о нас руце Свои в поручение Богу приносящая.

Кондак 10

Спасти хотя род человеческий от вечныя муки и непрестающия скорби, Человеколюбец Господь Тебе, Матерь Свою, дарова земным на помощь, глаголя: сынове человечестии, се Мати Моя покровом и прибежищем вам да будет, печальным — утешением, скорбящим — радованием, обидимым — Заступницею, бедствующим — помощию, больным — целительницею, грешным — Споручницею, да всех из глубины греховныя воздвигнет, вопиющих: Аллилуиа.

Икос 10

‘Царю Небесный, Сыне и Боже Мой, — тако молит за нас всегда Небесная Царица, — приими всякаго человека, славящего Тя и призывающаго Имя Твое Святое, и прославляющих Мя Имени Твоего ради, и не отрини их от лица Твоего, но благоволи в них и приими от них всякое благое моление и всех от бед избави’. Мы же, грешнии, надеющиися на Твоя Матерния молитвы, зовем Ти: Радуйся, яко Ты еси Молитвенница наша к Богу теплая; Радуйся, яко Твоя молитва всегда пред Богом многомощна. Радуйся, Твоими молитвами и наша убогия моления богоприятными соделовающая; Радуйся, и наше недостоинство Твоим предстательством восполняющая. Радуйся, кающихся грешников непостыдная Споручнице; Радуйся, всех христиан православных Заступнице. Радуйся, вся наша болезни исцеляющая; Радуйся, облак страстей и искушений разгоняющая. Радуйся, грешным Споручнице, всегда о нас руце Свои в поручение Богу приносящая.

Кондак 11

Пение всеумиленное приими от нас, Небесная Споручнице наша, и молитву, приносимую Тебе, Дево Богородице, скоро услыши: к Тебе бо в напастех, скорбех и печалех прибегаем и пред Тобою в бедах наших слезы проливаем и молим: Владычице, утоли печали и приими молитвы раб Твоих, о Тебе поющих: Аллилуиа.

Икос 11

Светлыми лучами знамений и чудес немерцаемо сияет святая икона Твоя, Богородице Дево, и всех благодатно озаряет, с верою пред нею Тебе молящихся, прогоняющи всякое вражие действо силою Божиею, от нея исходящею. Темже радуемся мы, грешнии, имуще таковую чудную икону Твою в храме своем, яко залог Твоего к нам и храму нашему благоволения, и Тебе, Споручнице нашей и Скоропослушнице молений наших, благодарственно взываем: Радуйся, радость благодатную нам изливающая; Радуйся, утешение духовное скоро нам подающая. Радуйся, желания богоугодныя исполняющая; Радуйся, во всяких скорбных обстояниях на помощь нам поспешающая. Радуйся, в вере и благочестии живущих зело любящая; Радуйся, сердца их любовию к Богу и людям воспламеняющая. Радуйся, в час недоумения мысль благу на сердце полагающая; Радуйся, во всем упование на Бога имети нас научающая. Радуйся, грешным Споручнице, всегда о нас руце Свои в поручение Богу приносящая.

Кондак 12

Благодать Божия, присущая святей Твоей иконе, ‘Споручницею грешных’ именуемой, Богомати Владычице, влечет к ней всех скорбящих и грехми многими и напастьми обремененных, и не тщы отходят они от сего источника многообразных Твоих милостей и щедрот, но в скорбех — отраду, в напастех — защиту, в болезнях — цельбу и вся для души и телес благопотребныя неоскудно получают от чудотворнаго образа Твоего, Всеблагая, аще по Бозе все упование на Тя возлагают, поюще: Аллилуиа.

Икос 12

Поюще неизреченное Твое Матернее к нам грешным милосердие, хвалим Тя, яко Всемощную Споручницу нашу, благословим Тя, яко Всеблагую Скоропослушницу молений наших, и со умилением поклоняемся Тебе в честней Твоей иконе, веруем бо и уповаем, яко и ныне испросиши нам у Сына Твоего и Бога, да в жизни сей и по смерти нашей милосердие Его неотступно будет о всех, с любовию поющих Ти: Радуйся, Твоими молитвами весь мир спасающая; Радуйся, Твоими ходатайствы всю Вселенную заступающая. Радуйся, яко всем с верою притекающим скоро помогающая; Радуйся, и Небеснаго Царствия им испрошающая. Радуйся, яко на икону Твою взирающе, Самой Тебе, истинней Богородице, поклоняемся; Радуйся, Твоим предстательством вся благая желания наша скоро исполняющая. Радуйся, и в час смертный верных Своих не оставляющая; Радуйся, и по смерти о вечно блаженнем их упокоении ходатайствующая. Радуйся, грешным Споручнице, всегда о нас руце Свои в поручение Богу приносящая.

Кондак 13

О, Всепетая Мати, Всеблагая Споручнице спасения грешных, Богородице Дево! Приими милостиво и нынешнее наше моление, еже от усердия нашего во благодарение Ти принесохом, и испроси нам у Всещедраго Бога в вере православной непоколебимость, в любви христианской преуспеяние и грехов наших прощение, да предстательством Твоим унаследим Царствие Небесное и сподобимся со всеми святыми пети Богу: Аллилуиа.

(Этот кондак читается трижды, затем икос 1 и кондак 1)

Тропарь Пресвятой Богородице перед Ея иконой, именуемой «Споручница грешных».

Тропарь

глас 4

Умолкает ныне всякое уныние, и страх отчаяния исчезает, грешницы в скорби сердца обретают утешение, и небесною любовию озаряются светло: днесь бо Матерь Божия простирает нам спасающую руку, и от Пречистаго образа Своего вещает, глаголя: Аз Споручница грешных к Моему Сыну, Сей дал Мне за них руце слышати Мя выну. Темже людие обремененнии грехи многими, припадите подножию Ея иконы, со слезами вопиюще: Заступнице мира, грешным Споручнице, умоли Матерними молитвами Избавителя всех, да Божественным всепрощением покрыет грехи наша, и светлыя двери райския отверзет нам, Ты бо еси предстательство и спасение рода христианскаго.

Кондак

глас 1

Честное Жилище бывши неизреченнаго естества Божественнаго выше слова и паче ума, и грешным еси Споручница, подаваеши благодать и исцеления, яко Мати всех Царствующаго, моли Сына Твоего, получити нам милость в день судный.

Молитвы перед иконой Пресвятой Богородицы, именуемой «Споручница грешных».

Молитва первая

К кому возопию, Владычице, к кому прибегну в горести моей, аще не к Тебе, Царице Небесная? Кто плач мой и воздыхание мое приимет и молениям нашим скоропослушливо внемлет, аще не Ты, Всеблагая Споручнице, всех наших радостей Радость? Услыши же и нынешния песнопения и моления, и о мне грешном Тебе приносимыя. И буди мне Мати и Покровительница и радости Твоея всем нам Подательница. Устрой жизнь мою, якоже хощеши и якоже веси. Вручаю бо себе Твоему покрову и промышлению, да радостно всегда пою Тебе со всеми: Радуйся, Благодатная; радуйся, Обрадованная. Радуйся, Преблагословенная; радуйся, Препрославленная во веки. Аминь.

Молитва вторая

Царице моя Преблагая, Надеждо моя Пресвятая, Споручнице грешных! Се, бедный грешник предстоит Тебе! Не остави мене, всеми оставленнаго, не забуди мене, всеми забытаго, даждь ми радость, неведущему радования. О, тяжки мои беды и скорби! О, безмерны мои грехопадения! Яко тьма нощная — житие мое. И несть в сынех человеческих ни единаго сильнаго ми помощи. Ты — Единая моя Надежда. Ты — Единый мой Покров, Прибежище и Утверждение. Дерзновенно простираю к Тебе немощныя мои руце и молю: умилосердися о мне, Всеблагая, пощади искупленнаго Кровию Сына Твоего, утоли болезни многовоздыхающия души моея, укроти ярость ненавидящих и обидящих мя, возстави силы моя увядающия, обнови, яко у орляте, юность мою, не попусти ослабнути в делании заповедей Божиих. Огнем небесным коснися смущенныя души моея и исполни ю веры непостыдныя, любве нелицемерныя и надежды известныя. Да всегда пою и славлю Тебе, Преблагословенную мира Заступницу, Покров наш и Споручницу всех нас грешных, и поклоняюся Сыну Твоему и Спасу нашему, Господу Иисусу Христу, со Безначальным Его Отцем и Жизнеподательным Духом Святым во веки веков. Аминь.

Молитва третья

О Владычице Преблагословенная, защитнице рода христианскаго, прибежище и спасение притекающих к Тебе! Вем, воистинну вем, яко зело согреших и прогневах, Премилостивая Госпоже, рожденнаго плотию от Тебе Сына Божия: но имам многии образы прежде мене прогневавших Его благоутробие: мытари, блудницы и прочия грешники, им же дадеся прощение грехов их, покаяния ради и исповедания. Ты убо образы помилованных очесем грешныя души моея представляя и на толикое Божие милосердие, онех приемшее, взирая, дерзнух и аз грешный прибегнути с покаянием ко Твоему благоутробию. О всемилостивая Владычице, да подаси ми руку помощи и испросиши у Сына Твоего и Бога матерними и святейшими Твоими молитвами тяжким моим грехам прощение. Верую и исповедую, яко Той, Его же родила еси, Сын Твой, есть воистину Христос, Сын Бога Живаго, Судия живых и мертвых, воздаяй комуждо по делам его. Верую же паки и исповедую Тебе быти истинную Богородицу, милосердия Источник, Утешение плачущих, Взыскание погибших, сильную и непрестающую к Богу Ходатаицу, зело любящую род христианский, и Споручницу покаяния. Воистинну бо несть человеком ины помощи и покрова, разве Тебе, Госпоже Премилостивая, и никтоже уповая на Тя постыдеся когда, и Тобою умоляя Бога, никто же оставлен бысть. Того ради молю Твою неисчетную благость: отверзи двери милосердия Твоего мне, заблудшему и падшему в тимение глубины, не возгнушайся мене сквернаго, не презри грешнаго моления моего, не остави мене окаяннаго, яко в погибель злобный враг похитити мя ищет, но умоли о мне рожденнаго от Тебе милосердаго Сына Твоего и Бога, да простит великия моя грехи, и избавит мя от пагубы моея: яко да и аз со всеми получившими прощение воспою и прославлю безмерное милосердие Божие и Твое непостыдное о мне заступление в жизни сей и в нескончаемом веце. Аминь.

Кондак 1

Избранней от Всевышняго, грешных Споручнице, преклоняющей на милосердие Сына Своего, да спасет иже созда рукою Своею, благодарственное пение приносим Ти, Мати Дево и Владычице, о явлении дивныя Твоея и чудотворныя иконы, Ты же яко предстательство ко Господу имущи, потщися от обстояний многообразных избавити ны и вечное спасение нам соделати, да, воспевающе, вопием Ти: Радуйся, грешным Споручнице, всегда о нас руце Свои в поручение Богу приносящая.

Икос 1

Ангелов лики благоговейно Тебе служат и святии вси немолчными гласы Тя ублажают, Богородице Дево, яко рождшую Ангелов Царя, Христа, Бога нашего, мы же, грешнии, подражати им дерзающе и благохвалити Тя недоумеюще, смиренномудренно архангельский глас вопием Ти, Чистая: Радуйся, Благодатная, Господь с Тобою; Радуйся, Преблагословенная в женах, Дево Всенепорочная. Радуйся, Дщи Отца Небеснаго; Радуйся, Мати Сына Превечнаго. Радуйся, Духа Святаго селение; Радуйся, Ангелов и человек непрестанное удивление. Радуйся, Честнейшая Херувим; Радуйся, Славнейшая без сравнения Серафим. Радуйся, грешным Споручнице, всегда о нас руце Свои в поручение Богу приносящая.

Кондак 2

Видящи Премилосердная Матерь Божия земное скорбное житие наше, немощи и болезни, благоизволи дати нам в благословение и утешение, в радость и спасение и от всяких бед и напастей ограждение икону Свою святую, Споручницею грешным в ней нарекшися, да радостная пред сею иконою Ей приносяще, радостно всегда поют Богу: Аллилуиа.

Икос 2

Разум небесный открывающи, Богородице Дево, благоизволила еси многими чудесы прославити икону Твою святую, “Споручница грешных” именуемую, да вси, ведуще таковое Твое о ней благоволение, песненно Тебе зовут: Радуйся, Милосердная всех нас о Христе Мати; Радуйся, неистощимая сокровищнице Божественная благодати. Радуйся, Тобою бо нисходит к нам Божие благоволение; Радуйся, Тобою бо имамы вящее к Богу дерзновение. Радуйся, молитвы всех христиан приемлющая; Радуйся, и самых отчаянных грешников моления не отвергающая. Радуйся, яко предстательством Твоим спастися уповаем; Радуйся, яко молитвами Твоими Царство Небесное получити чаем. Радуйся, грешным Споручнице, всегда о нас руце Свои в поручение Богу приносящая.

Кондак 3

Сила благодатная осеняет всех, Преблагословенная Матерь Божия, с верою к Тебе, яко Споручнице грешных, притекающих и святей иконе Твоей поклоняюшихся: Единей бо токмо Тебе дадеся дар всякое благое прошение скоро исполняти и грешных миловати и спасати, и Едина токмо Ты можеши воистину всем помощи елика хощеши, Богу поющим: Аллилуиа.

Икос 3

Имеющи Матернее о всех всеблагое промышление, Ты, Всеблагая Мати Божия, и самых отчаянных грешников ко спасению призываеши, глаголющи: “Аз есмь Споручница грешных к Сыну Моему и Богу, Иже и обеща Мне слышати Мя всегда, да радостная Мне приносящии вечно радоватися будут чрез Мене”. Сего ради мы, грешнии, Тебе, яко Споручнице нашей, радостно зовем: Радуйся, Заступнице усердная, от Бога нам дарованная; Радуйся, к Небесному отечеству Путеводительнице наша Благодатная. Радуйся, от рова погибели исхищающая; Радуйся, безпомощных на Свои всемощныя руце приемлющая. Радуйся, непрестанное уныние отгоняющая; Радуйся, падших ко благодати возставляющая. Радуйся, слово премудрости просящим дарующая; Радуйся, и неразумных разумными соделывающая. Радуйся, грешным Споручнице, всегда о нас руце Свои в поручение Богу приносящая.

Кондак 4

Бурею сомнений искушаемая некая жена не хотяше веровати чудесем, от иконы Твоея, Споручницы, бываемым, но внезапну язвою смертоносною пораженная, позна силу Твою всемощную, Владычице, и чудотворныя иконы Твоея благодать, и, раскаявшися, слезно моляше Тя о прощении неверствия ея, милосердием же Твоим исцеленная, благодарственно Богу о Тебе всегда вопияше: Аллилуиа.

Икос 4

Слышит Господь Твоя о нас на Небеси ходатайства, Царице Небесная, и исполняет Твоя прошения, мы же, грешнии, яко нее благую Скоропослушницу и Споручницу нашу, просим и молим Тя: Владычице, скоро услыши моления наша и вся наша печали на радость преложи и прошения всех зде молящихся скоро исполни, да радостно всегда поем Ти: Радуйся, приносящая к Сыну Твоему и Богу моления верных; Радуйся и Сама у Престола Сына Твоего всегда о нас молящаяся. Радуйся, Споручнице грешных; Радуйся, Взыскание погибших. Радуйся, нечаянную радость верным дарующая; Радуйся, и наша прошения скоро исполняющая. Радуйся, Милостивая, всегда нас милующая; Радуйся, житие наше доброе устрояющая. Радуйся, грешным Споручнице, всегда о нас руце Свои в поручение Богу приносящая.

Кондак 5

Яко лучезарную звезду, весь мир озаряющую, подавала еси нам, Владычице Мира, честную Твою икону, “Споручницею грешных” именуемую, на нюже взирающе, Самой Тебе, истинней Божией Матери и Деве, поклоняемся, глаголюще: Владычице, приими молитвы раб Твоих и избави ны от всякия нужды и печали, восхваляющих Тя и Богу воспевающих: Аллилуиа.

Икос 5

Некий благоговейный муж страхом велиим преисполнися, егда в нощь Светлаго Христова Воскресения виде икону Твою, Споручнице Всеблагая, светом Небесным блистающуюся и, яко дождевныя капли, миро источающую и молниевидныя искры испущающую, познав в сем знамении милости Твоея к людем, со слезами умиления и благодарения радостно воспе Тебе, Преблагословенней Матери Божией: Радуйся, огнь Божественный неопально державшая, имже грехи наша попаляются; Радуйся, Свет неприкосновенный носившая, имже души наша просвещаются. Радуйся, руце Свои в поручение о нас Богу приносящая; Радуйся, вход в Царство Небесное и нам, грешным, отверзающая. Радуйся, яко молния тьму грехов наших разсекающая; Радуйся, яко миро благовонное, сердца наша умягчающая. Радуйся, источники чудес всюду источающая; Радуйся, иконою Твоею вся люди возвеселяющая. Радуйся, грешным Споручнице, всегда о нас руце Свои в поручение Богу приносящая.

Кондак 6

Весь мир христианский проповедует милости и чудеса Твоя, Препрославленная Мати Господа, и светлокрасуется многими чудотворными Твоими иконами, среди коих икона Твоя, “Споручница грешных” именуемая, яко луна полная, лучами милости Твоея и чудес немерцаемо сияет, просвещающи и освещающи души наша светом Божия благодати, подвизающи нас хвалебно Богу взывати: Аллилуиа.

Икос 6

Возсия в одну из нощей свет небесный в храме Николо-Хамовническом, егда прият образ Твой чудотворный, Споручнице грешным, светильники тогда и лампады невидимою силою в храме сем возжигахуся, света горящая аки в служении незримо кем окрест престола ношашеся. Людие же, вне храма стоявшии и сия вся видевше, дивляхуся, славяще Тя, Мати Божия, и Сына Твоего, мы же, воспоминающе дивное сие видение, с умилением Тебе глаголем: Радуйся, скорби наша в радость претворяющая; Радуйся, ненадеющихся несомненною надеждою возвеселяющая. Радуйся, свеще, у престола Божия присногорящая; Радуйся, лампадо, елеем Божественным светящая. Радуйся, свете лучезарный, пути жизни нам показующий; Радуйся, храме одушевленный, всех нас освещающий. Радуйся, уповающим на Тя непостыдную жизнь дарующая; Радуйся, и по смерти неотступно о них пред Богом ходатайствующая. Радуйся, грешным Споручнице, всегда о нас руце Свои в поручение Богу приносящая.

Кондак 7

Хотя Долготерпеливый Господь явити Бездну Своего человеколюбия и щедрот, избра Тебе, Пресвятая Дево, в Матерь Себе и яви Тя неисчерпаемым источником милостей Своих, да аще кто праведным судом Божиим осуждения достоин, Твоим ходатайством, яко грешным Споручницы, сохранен будет, велегласно зовый: Аллилуиа.

Икос 7

Дивная дела Твоя показал еси нам, Господи, в Пречистей Твоей Матери и дивну даровал еси нам Ея икону, паче лучей солнечных просвещающу люди, яко Самую зрящих Богородицу и верою сердечною от души любовию, яко Божией Матери и Деве, Ей вопиющих: Радуйся, купель, в нейже вся скорби наша погружаются; Радуйся, чаше, еюже радость и спасение вси восприемлем. Радуйся, Живоносный источниче, всех нас оживотворяющий; Радуйся, цвете неувядаемый, всех нас облагоухающий. Радуйся, скорбей наших услаждение; Радуйся, печалей наших утоление. Радуйся, болезней наших врачевание; Радуйся, от бед скорое наше избавление. Радуйся, грешным Споручнице, всегда о нас руце Свои в поручение Богу приносящая.

Кондак 8

Странники и пришельцы есмы на земли и, по глаголу Апостола, не имамы зде пребывающаго града. Но к кому прибегнем, Владычице, в скорбех жития нашего, аще не к Тебе, Всеблагая Споручнице о нас грешных! Не отвержи нас, Мати Божия, и не рцы нам: “Не вем вас грехов ради ваших”, но помилуй нас, сирых и безпомощных, и приими нас в вечныя кровы, Покровительнице наша, да радостно вопием во славе Небесней Царю славы Христу: Аллилуиа.

Икос 8

Всем верным утешительно есть взирати на святую икону Твою, Владычице, Споручнице грешным, на нейже зрим Тя, на руку Твоею держащую Превечнаго Младенца, Господа нашего Иисуса Христа, Емуже поклоняющеся боголепно, яко Творцу и Богу нашему, Тебе, истинней Богородице, умильно глаголем: Владычице, помози, на ны милосердовавши, потщися, погибаем от множества прегрешений, не отврати Твоя рабы тщы, Тебе вопиющия: Радуйся, алчущих Питательнице; Радуйся, нагих одеяние. Радуйся, вдов Защитительнице; Радуйся, сирот Покровительнице. Радуйся, гонимых и обидимых Заступнице; Радуйся, страждущих и плененных скорая Освободительнице. Радуйся, грешным Споручнице, всегда о нас руце Свои в поручение Богу приносящая.

Кондак 9

Все естество ангельское похвальныя песнопения приносит Тебе, Божией Матери и Споручнице всех припадающих Тебе, просящих Твоея помощи и Твоего утешения, яко твердым и крепким Твоим предстательством праведных веселиши, грешных заступаеши и от бед избавлявши и печали утоляеши и молишися о всех, верою зовущих о Тебе Богу: Аллилуиа.

Икос 9

Витийствующий всяк язык недоумеет благохвалити Тя по достоянию, изумевает же ум и премирный пети Тя, Богородице: обаче Благая сущи, веру приими, ибо любовь веси Божественную нашу: Ты бо христиан еси Предстательница, Тебе зовущих: Радуйся, сиянием Пречистыя души Твоея всю землю просветивщая; Радуйся, чистотою телесе Твоего вся небеса возвеселившая. Радуйся, всех нас при Кресте Сына Твоего усыновившая; Радуйся, всегда Матернюю любовь Твою к нам являющая. Радуйся, всех даров духовных и телесных всемощная Подательнице; Радуйся, благ временных и вечных усердная нам Ходатаице. Радуйся, двери Царствия Христова верным отверзающая; Радуйся, и на земли радостию и веселием сердца наша исполняющая. Радуйся, грешным Споручнице, всегда о нас руце Свои в поручение Богу приносящая.

Кондак 10

Спасти хотя род человеческий от вечныя муки и непрестающия скорби, Человеколюбец Господь Тебе, Матерь Свою, дарова земным на помощь, глаголя: сынове человечестии, се Мати Моя покровом и прибежищем вам да будет, печальным — утешением, скорбящим — радованием, обидимым — Заступницею, бедствующим — помощию, больным — целительницею, грешным — Споручницею, да всех из глубины греховныя воздвигнет, вопиющих: Аллилуиа.

Икос 10

“Царю Небесный, Сыне и Боже Мой, — тако молит за нас всегда Небесная Царица, — приими всякаго человека, славящего Тя и призывающаго Имя Твое Святое, и прославляющих Мя Имени Твоего ради, и не отрини их от лица Твоего, но благоволи в них и приими от них всякое благое моление и всех от бед избави”. Мы же, грешнии, надеющиися на Твоя Матерния молитвы, зовем Ти: Радуйся, яко Ты еси Молитвенница наша к Богу теплая; Радуйся, яко Твоя молитва всегда пред Богом многомощна. Радуйся, Твоими молитвами и наша убогия моления богоприятными соделовающая; Радуйся, и наше недостоинство Твоим предстательством восполняющая. Радуйся, кающихся грешников непостыдная Споручнице; Радуйся, всех христиан православных Заступнице. Радуйся, вся наша болезни исцеляющая; Радуйся, облак страстей и искушений разгоняющая. Радуйся, грешным Споручнице, всегда о нас руце Свои в поручение Богу приносящая.

Кондак 11

Пение всеумиленное приими от нас, Небесная Споручнице наша, и молитву, приносимую Тебе, Дево Богородице, скоро услыши: к Тебе бо в напастех, скорбех и печалех прибегаем и пред Тобою в бедах наших слезы проливаем и молим: Владычице, утоли печали и приими молитвы раб Твоих, о Тебе поющих: Аллилуиа.

Икос 11

Светлыми лучами знамений и чудес немерцаемо сияет святая икона Твоя, Богородице Дево, и всех благодатно озаряет, с верою пред нею Тебе молящихся, прогоняющи всякое вражие действо силою Божиею, от нея исходящею. Темже радуемся мы, грешнии, имуще таковую чудную икону Твою в храме своем, яко залог Твоего к нам и храму нашему благоволения, и Тебе, Споручнице нашей и Скоропослушнице молений наших, благодарственно взываем: Радуйся, радость благодатную нам изливающая; Радуйся, утешение духовное скоро нам подающая. Радуйся, желания богоугодныя исполняющая; Радуйся, во всяких скорбных обстояниях на помощь нам поспешающая. Радуйся, в вере и благочестии живущих зело любящая; Радуйся, сердца их любовию к Богу и людям воспламеняющая. Радуйся, в час недоумения мысль благу на сердце полагающая; Радуйся, во всем упование на Бога имети нас научающая. Радуйся, грешным Споручнице, всегда о нас руце Свои в поручение Богу приносящая.

Кондак 12

Благодать Божия, присущая святей Твоей иконе, “Споручницею грешных” именуемой, Богомати Владычице, влечет к ней всех скорбящих и грехми многими и напастьми обремененных, и не тщы отходят они от сего источника многообразных Твоих милостей и щедрот, но в скорбех — отраду, в напастех — защиту, в болезнях — цельбу и вся для души и телес благопотребныя неоскудно получают от чудотворнаго образа Твоего, Всеблагая, аще по Бозе все упование на Тя возлагают, поюще: Аллилуиа.

Икос 12

Поюще неизреченное Твое Матернее к нам грешным милосердие, хвалим Тя, яко Всемощную Споручницу нашу, благословим Тя, яко Всеблагую Скоропослушницу молений наших, и со умилением поклоняемся Тебе в честней Твоей иконе, веруем бо и уповаем, яко и ныне испросиши нам у Сына Твоего и Бога, да в жизни сей и по смерти нашей милосердие Его неотступно будет о всех, с любовию поющих Ти: Радуйся, Твоими молитвами весь мир спасающая; Радуйся, Твоими ходатайствы всю Вселенную заступающая. Радуйся, яко всем с верою притекающим скоро помогающая; Радуйся, и Небеснаго Царствия им испрошающая. Радуйся, яко на икону Твою взирающе, Самой Тебе, истинней Богородице, поклоняемся; Радуйся, Твоим предстательством вся благая желания наша скоро исполняющая. Радуйся, и в час смертный верных Своих не оставляющая; Радуйся, и по смерти о вечно блаженнем их упокоении ходатайствующая. Радуйся, грешным Споручнице, всегда о нас руце Свои в поручение Богу приносящая.

Кондак 13

О, Всепетая Мати, Всеблагая Споручнице спасения грешных, Богородице Дево! Приими милостиво и нынешнее наше моление, еже от усердия нашего во благодарение Ти принесохом, и испроси нам у Всещедраго Бога в вере православной непоколебимость, в любви христианской преуспеяние и грехов наших прощение, да предстательством Твоим унаследим Царствие Небесное и сподобимся со всеми святыми пети Богу: Аллилуиа.

(Этот кондак читается трижды, затем икос 1 и кондак 1)

Молитвы к Пресвятой Богородице перед Ея иконой, именуемой “Споручница грешных”

Молитва первая

К кому возопию, Владычице, к кому прибегну в горести моей, аще не к Тебе, Царице Небесная? Кто плач мой и воздыхание мое приимет и молениям нашим скоропослушливо внемлет, аще не Ты, Всеблагая Споручнице, всех наших радостей Радость? Услыши же и нынешния песнопения и моления, и о мне грешном Тебе приносимыя. И буди мне Мати и Покровительница и радости Твоея всем нам Подательница. Устрой жизнь мою, якоже хощеши и якоже веси. Вручаю бо себе Твоему покрову и промышлению, да радостно всегда пою Тебе со всеми: Радуйся, Благодатная; радуйся, Обрадованная. Радуйся, Преблагословенная; радуйся, Препрославленная во веки. Аминь.

Молитва вторая

Царице моя Преблагая, Надеждо моя Пресвятая, Споручнице грешных! Се, бедный грешник предстоит Тебе! Не остави мене, всеми оставленнаго, не забуди мене, всеми забытаго, даждь ми радость, неведущему радования. О, тяжки мои беды и скорби! О, безмерны мои грехопадения! Яко тьма нощная — житие мое. И несть в сынех человеческих ни единаго сильнаго ми помощи. Ты — Единая моя Надежда. Ты — Единый мой Покров, Прибежище и Утверждение. Дерзновенно простираю к Тебе немощныя мои руце и молю: умилосердися о мне, Всеблагая, пощади искупленнаго Кровию Сына Твоего, утоли болезни многовоздыхающия души моея, укроти ярость ненавидящих и обидящих мя, возстави силы моя увядающия, обнови, яко у орляте, юность мою, не попусти ослабнути в делании заповедей Божиих. Огнем небесным коснися смущенныя души моея и исполни ю веры непостыдныя, любве нелицемерныя и надежды известныя. Да всегда пою и славлю Тебе, Преблагословенную мира Заступницу, Покров наш и Споручницу всех нас грешных, и поклоняюся Сыну Твоему и Спасу нашему, Господу Иисусу Христу, со Безначальным Его Отцем и Жизнеподательным Духом Святым во веки веков. Аминь.

Молитва третья

О Владычице Преблагословенная, защитнице рода христианскаго, прибежище и спасение притекающих к Тебе! Вем, воистинну вем, яко зело согреших и прогневах, Премилостивая Госпоже, рожденнаго плотию от Тебе Сына Божия: но имам многии образы прежде мене прогневавших Его благоутробие: мытари, блудницы и прочия грешники, им же дадеся прощение грехов их, покаяния ради и исповедания. Ты убо образы помилованных очесем грешныя души моея представляя и на толикое Божие милосердие, онех приемшее, взирая, дерзнух и аз грешный прибегнути с покаянием ко Твоему благоутробию. О всемилостивая Владычице, да подаси ми руку помощи и испросиши у Сына Твоего и Бога матерними и святейшими Твоими молитвами тяжким моим грехам прощение. Верую и исповедую, яко Той, Его же родила еси, Сын Твой, есть воистину Христос, Сын Бога Живаго, Судия живых и мертвых, воздаяй комуждо по делам его. Верую же паки и исповедую Тебе быти истинную Богородицу, милосердия Источник, Утешение плачущих, Взыскание погибших, сильную и непрестающую к Богу Ходатаицу, зело любящую род христианский, и Споручницу покаяния. Воистинну бо несть человеком ины помощи и покрова, разве Тебе, Госпоже Премилостивая, и никтоже уповая на Тя постыдеся когда, и Тобою умоляя Бога, никто же оставлен бысть. Того ради молю Твою неисчетную благость: отверзи двери милосердия Твоего мне, заблудшему и падшему в тимение глубины, не возгнушайся мене сквернаго, не презри грешнаго моления моего, не остави мене окаяннаго, яко в погибель злобный враг похитити мя ищет, но умоли о мне рожденнаго от Тебе милосердаго Сына Твоего и Бога, да простит великия моя грехи, и избавит мя от пагубы моея: яко да и аз со всеми получившими прощение воспою и прославлю безмерное милосердие Божие и Твое непостыдное о мне заступление в жизни сей и в нескончаемом веце. Аминь.

Тропарь Пресвятой Богородице перед Ея иконой, именуемой “Споручница грешных”

Тропарь, глас 4

Умолкает ныне всякое уныние, и страх отчаяния исчезает, грешницы в скорби сердца обретают утешение, и небесною любовию озаряются светло: днесь бо Матерь Божия простирает нам спасающую руку, и от Пречистаго образа Своего вещает, глаголя: Аз Споручница грешных к Моему Сыну, Сей дал Мне за них руце слышати Мя выну. Темже людие обремененнии грехи многими, припадите подножию Ея иконы, со слезами вопиюще: Заступнице мира, грешным Споручнице, умоли Матерними молитвами Избавителя всех, да Божественным всепрощением покрыет грехи наша, и светлыя двери райския отверзет нам, Ты бо еси предстательство и спасение рода христианскаго.

Кондак, глас 1

Честное Жилище бывши неизреченнаго естества Божественнаго выше слова и паче ума, и грешным еси Споручница, подаваеши благодать и исцеления, яко Мати всех Царствующаго, моли Сына Твоего, получити нам милость в день судный.